Սյունիքի երկնքում աստղաքար է պայթել (ՖՈՏՈ)

ԵՐԵՎԱՆ, 24 փետրվարի./Նովոստի–Արմենիա/. Փետրվարի 22–ին Սյունիքի մարզում գտնվող Խուստուփ լեռան մոտ աստղաքար է պայթել։

Ինչպես նշում են Տիեզերք/Space Facebook–յան էջի հեղինակները, հղում անելով Cosmo Deus–ին, դեպքը գրանցվել է փետրվարի 22–ին ժամը 23։05–ին։

Երկնաքարը պայթել է շատ մոտ տարածության վրա, շուրջն ամեն ինչ լուսավորվել է։ Ինչպես հրապարակման մեկնաբանություններում նշում են օգտատերերը, նրանք ևս ականատես են եղել այդ երկնային երևույթին, որը, նրանց խոսքերով, տևել է մեկ ակնթարթ։–0–