«Սուրմալու»–ի տնօրենը կալանավորվեց

ԵՐԵՎԱՆ, 23 փետրվարի./Նովոստի–Արմենիա/. «Սուրմալու» առևտրի կենտրոնի տնօրեն Իրինա Մադաթովային կալանավորելու միջնորդությունը բավարարվել է։

Այս մասին «Նովոստի–Արմենիա»–ին հայտնեց Գլխավոր դատախազության մամուլի խոսնակ Արևիկ Խաչատրյանը։

Հիշեցնենք, որ «Սուրմալու» առևտրի կենտրոնում օգոստոսի 14–ին պայթյուն ու հրդեհ էր տեղի ունեցել։ Մասամբ փլուզվել էր առևտրի կենտրոնի եռահարկ շենքը։ ԱԻՆ–ի տվյալներով, պայթյունի հետևանքով զոհվել է 16 մարդ, 1 մարդ համարվում է անհետ կորած, 63 մարդ վնասվածք է ստացել։–0–