ԵՐԵՎԱՆ, 26 ապրիլի./Նովոստի–Արմենիա/. Ամերիկահայ հեռուստաաստղ Քիմ Քարդաշյանը Հայոց ցեղասպանության 105–րդ տարելիցի կապակցությամբ ներկայացրել է 1915թ.–ի սարսափելի իրադարձությունների պատմությունը։ Instagram–ի իր էջում Քարդաշյանը հրապարակել է stories, որտեղ բազմամիլիոնանոց լսարանին է ներկայացրել հայ ժողովրդի ողբերգական էջը։
Քարդաշյանն աշխարհի քարտեզում ցույց է տվել «փոքր երկիրը` Հայաստանը»։
Եվ հիշեցրել է, որ 1915թ.–ի ապրիլի 24–ին սկսվել է Հայոց ցեղասպանությունը։
«Սկզբում սպանվել են ամենահաջողակ հայերը»
«Այնուհետև օսմանցի թուրքերը գնացել են կանանց և երեխաների հետևից»
«Սրանք իմ նախնիներն են...որոնք սովամահ են եղել, բռնաբարվել և սպանվել են»
«1917թ.–ին սպանվել էր ավելի քան 1,5 մլն հայ»
Քարդաշյանը հիշեցրել է Հիտլերի հայտնի ցիտատը. «Ո՞վ է այդ ամենից հետո այսօր խոսում հայերի ոչնչացման մասին»։ Ադոլֆ Հիտլերը` Հոլոքոստի ժամանակ 6 մլն հրեաների սպանությունից առաջ
«Այսօր մենք հիշում ենք Հայոց ցեղասպանությունը, որպեսզի ոչ մի ռասսա, կրոն կամ խումբ այլևս երբեք չենթարկվի նման բանի», – այս խոսքերով ավարտել է իր պատմությունը Քարդաշյանը։–0–