Սպասվում են Իտալիայից չվերթերի ուշացումներ. Ռևազյան

ԵՐԵՎԱՆ, 13 հունվարի./Նովոստի–Արմենիա/. Իտալիայի ավիացիոն ոլորտի աշխատակիցների գործադուլը կարող է հանգեցնել խափանումների Ryanair–ի աշխատանքում, որը գործարկում է Հռոմ–Երևան և Միլան–Երևան ուղիղ չվերթերը։

«Այսօրվա ընթացքում պարզ կդառնա, թե ինչ դժվարություններ կարող են առաջանալ կանոնավոր չվերթեր իրականացնելու ժամանակ։ Կարելի է միանշանակ ասել, որ սպասվում են Իտալիայից չվերթերի ուշացումներ», – ասաց նա։

«Ես կապ հաստատել եմ Ryanair-ի ղեկավարության հետ, սկզբից Հայաստանը դրել էին cancellation–ի (չեղարկում, խմբգր.) ցուցակի մեջ, բայց հիմա հանել են, բայց սպասվում են ուշացումներ գործադուլի պատճառով», – նշեց Ռևազյանը` կոչ անելով հետևել Քաղավիացիայի կայքին և իրենք կտեղեկացնեն փոփոխությունների մասին։

Իտալիայում հունվարի 11–25–ը կազմակերպվել է քաղաքացիական ավիացիայի ոլորտի աշխատակիցների գործադուլ, ինչի հետևանքով մասնակի կաթվածահար է եղել Հռոմի, Բոլոնիայի և այլ քաղաքների օդանավակայանների աշխատանքը։–0–