Սիրիան երախտագիտություն է հայտնել Հայաստանին երկրաշարժից հետո ցուցաբերած աջակցության համար

ԵՐԵՎԱՆ, 9 փետրվարի./Նովոստի-Արմենիա/. Սիրիան իր երախտագիտությունն է հայտնում մի շարք երկրների, այդ թվում՝ Հայաստանին, որոնք օգնություն են ցուցաբերել Սիրիայի ժողովրդին երկրաշարժից հետո, Դամասկոսում կայացած մամուլի ասուլիսում ասել է Արաբական Հանրապետության տեղական ինքնակառավարման և շրջակա միջավայրի նախարար Հուսեյն Մախլուֆը։

«Մենք մեր երախտագիտությունն ենք հայտնում այն ​​երկրներին, որոնք իրենց ներդրումն են ունեցել Սիրիայի ժողովրդին աջակցելու գործում, այդ թվում՝ Իրաքին, Արաբական Միացյալ Էմիրություններին, Իրանին, Ռուսաստանին, Ալժիրին, Եգիպտոսին, Պակիստանին, Հայաստանին, Օմանին, Կուբային, Վենեսուելային և Բելառուսին»,- ասել է նախարարը, հաղորդում է ՏԱՍՍ-ը։

Նրա խոսքով, «բարեկամ ու եղբայրական երկրները հանդես են եկել երկրաշարժից անմիջապես հետո օգնություն ցուցաբերելու նախաձեռնությամբ», մինչդեռ մյուս «ահաբեկչությանը աջակցող պետությունները քաղաքականացրել են հումանիտար իրավիճակը Սիրիայում»։ --0-