ԵՐԵՎԱՆ, 7 փետրվարի./Նովոստի–Արմենիա/. ՀՀ նախկին նախագահ Սերժ Սարգսյանը երեկ կրկին ՀՀ հատուկ քննչական ծառայությունում է եղել, գրում է armtimes.com-ը։
Հրատարակության տեղեկություններով, երեկ շարունակվել է Մարտի 1-ի գործով նրա հարցաքննությունը և ավարտվել:
Կայքի հրապարակմամբ, նա ցուցմունք է տվել շուրջ 4 ժամ: Սարգսյանը սույն գործով վկայի կարգավիճակ ունի:
Загружается новость ... "Лево"
ՀՀ հատուկ քննչական ծառայությունից դարձյալ չեն մեկնաբանել այս տեղեկությունը:
Հիշեցնենք, որ Սարգսյանը փետրվարի 1-ին ևս մի քանի ժամ հարցաքննվել է Մարտի 1–ի գործով Հատուկ քննչական ծառայությունում։
Հայկական ընդդիմությունն` առաջին նախագահ Լևոն Տեր–Պետրոսյանի գլխավորությամբ, ով առաջադրվել էր 2008 թ.–ի փետրվարի 19–ին կայացած նախագահական ընտրություններին և պարտվել էր, փետրվարի 20–ից Երևանի կենտրոնում անցկացնում էր հանրահավաքներ` դժգոհություն հայտնելով քվեարկության արդյունքներից։ Բողոքի ակցիաները 2008 թ.–ի մարտի 1–2–ը վերածվեցին անկարգությունների և իրավապահ ուժերի ու ցուցարարների միջև բախումների, ինչի հետևանքով զոհվեց 10 մարդ, ավելի քան 200–ը վիրավորվեց։
Այդ ժամանակ Սահմանադրական դատարանը լեգիտիմ ճանաչեց 2008թ.–ի ընտրությունները։ Հայտարարվեց, որ Սերժ Սարգսյանը ստացել է ձայների 52,86%–ը, Լևոն Տեր–Պետրոսյանը`21,5%–ը։
ՀՀ երկրորդ նախագահ Ռոբերտ Քոչարյանը մեղադրվում է այլ անձանց հետ նախնական համաձայնությամբ սահմանադրական կարգը տապալելու մեջ։ Հիմա նա կալանավորված է, դատարանը կքննի նրա նկատմամբ խափանման միջոցը փոխելու միջնորդությունը։ Որպես մեղադրյալներ ներգրավված են նաև ՀԱՊԿ գլխավոր քարտուղար Յուրի Խաչատուրովը, ով ազատ էր արձակվել 5մլն դրամ գրավի դիմաց և ՀՀ պաշտպանության նախկին նախարարներ Միքայել Հարությունյանն ու Սեյրան Օհանյանը։–0–