Սկանդալ հայկական եթերում. նախկին պատգամավորը սպառնացել է ջուր շփել հաղորդավարի դեմքին (ՎԻԴԵՈ)

ԵՐԵՎԱՆ, 21 մայիսի./Նովոստի–Արմենիա/. Նախորդ կիրակի Հանրայինի ուղիղ եթերում սկանդալ է հասունացել։

Պետրոս Ղազարյանի «Հանրային քննարկում» հեղինակային ծրագրի ժամանակ, որը նվիրված էր Մարտի 1–ի իրադարձությունների քննությանը, հաղորդման հյուրը` ԱԺ նախկին պատգամավոր Ռուբեն Հակոբյանը, վիրավորել է լրագրողին` սպառնալով ջուր շփել նրա երեսին։

Վեճի թեմա է դարձել ՀՀ վարչապետ Նիկոլ Փաշինյանի հայտարարությունն այն մասին, որ «Մարտի 1–ի գործն» ամբողջությամբ բացահայտված է։ 

«Երբ վարչապետը հայտարարում է, որ գործն ամբողջությամբ բացահայտված է, ապա հարց է առաջանում` որտեղից նրան նման տեղեկատվություն», – հայտարարել է Հակոբյանը` նշելով, որ վերջին ամիսներին Փաշինյանը սկսել է դիմել Սահմանադրությանը հակասող քայլերի։

Հակոբյանին ընդհատել են հաղորդման մյուս մասնակիցները, ինչից հետո նա բարձրացրել է ձայնը և «դու»–ով դիմել հաղորդավարին. «Դու իրավունք չունես միջամտել խոսակցությանը` որպես լրագրող», – նշել է նախկին պատգամավորը` մեղադրելով հաղորդման ղեկավարությանը բնակչության շրջանում «ատելության տարածմանը»։ 

«Դուք չպիտի ասեք, թե ես ոնց հարցազրույց վարեմ։ Ես ձեզ դիմում եմ «դուք»–ով և խնդրում եմ նույնը ձեզնից», – նշել է Ղազարյանը։

Հակոբյանն իր հերթին հայտարարել է, որ Ղազարյանն արժանի չէ դրան։ «Միգուցե ձեզ վատ եք զգում, ջուր խմեք», – շարունակել է Ղազարյանն, ինչին ի պատասխան Հակոբյանը սպառնացել է. «Էս ջուրը կշփեք էրեսիդ, տեղումդ կմնաս, հասկացա՞ր»։

ՀՀ երկրորդ նախագահ Ռոբերտ Քոչարյանի գործով աղմկահարույց դատական գործընթացը մայիսի 18–ին նոր թափ ստացավ դատավոր Դավիթ Գրիգորյանի ընդունած որոշումից հետո։ 

Մայիսի 18–ին, Գրիգորյանը, քննելով Քոչարյանի նկատմամբ ընտրված խափանման միջոցի հիմնավոր լինելու հարցը, որոշեց կալանքից ազատ արձակել Քոչարյանին` Արցախի ներկա և նախկին նախագահներ Բակո Սահակյանի ու Արկադի Ղուկասյանի անձնական երաշխավորությամբ։ ԶԼՄ–ների տվյալներով, Սահակյանն ու Ղուկասյանը որպես գրավ վճարել են 500 հազարական դրամ (ավելի քան 1000 դոլար)։–0–