ԵՐԵՎԱՆ, 10 մարտի./Նովոստի–Արմենիա/. ՀՀ նախագահի աշխատակազմը քիչ առաջ հանդես է եկել հայտարարությամբ։
Загружается новость ... "Лево"
Ստորև ներկայացնում ենք հայտարարության տեքստն առանց փոփոխության։
«Տարբեր քաղաքական ուժերի, գործիչների
և անձանց կողմից հնչում են ամենատարբեր մեկնաբանություններ, պարզաբանումներ և վերլուծություններ
Հանրապետության նախագահի կողմից Սահմանադրական դատարան դիմելու ժամկետների վերաբերյալ:
Այս հարցը շահարկելով՝ ձևավորվում է թյուր կարծիք, թե մարտի 9-ը ՍԴ դիմելու վերջնաժամկետն
է: Հայտնում ենք, որ նման կարծիքներն
անհիմն են՝ ՍԴ դիմելու վերջնաժամկետ չկա, և Հանրապետության նախագահն առաջիկայում դիմելու
է Սահմանադրական դատարան՝ «Զինվորական ծառայության և զինծառայողի կարգավիճակի մասին»
օրենքի՝ Սահմանադրության համապատասխանության հարցը որոշելու խնդրանքով, ինչի մասին
արդեն իսկ հայտարարվել է: Հանրապետության նախագահը կրկին հանդարտության, սթափության
ու զսպվածության կոչ է անում բոլորին»:–0–