636.6
7.16
524.6
+16
Եղանակը Երևանում
Հայ

ՌԴ-ն վերահաստատում է աջակցությունը եղբայրական հայ ժողովրդին. վարչապետն ընդունել է Լավրովի գլխավորած պատվիրակությանը (ՎԻԴԵՈ)

14:05
21 Նոյեմբերի 2020

ԵՐԵՎԱՆ, 21 նոյեմբերի./Նովոստի–Արմենիա/. Վարչապետ Նիկոլ Փաշինյանն ընդունել է Ռուսաստանի կառավարական պատվիրակությանը` Արտաքին գործերի նախարար Սերգեյ Լավրովի գլխավորությամբ, հաղորդում է ՀՀ վարչապետի մամուլի ծառայությունը:

Պատվիրակության կազմում են ՌԴ կառավարության նախագահի տեղակալներ Ալեքսեյ Օվերչուկը և Ալեքսեյ Նովակը, Առողջապահության նախարար Միխայիլ Մուրաշկոն, Դաշնային անվտանգության ծառայության 5-րդ ծառայության ղեկավար Սերգեյ Բեսեդան, Սպառողների իրավունքների պաշտպանության և մարդու բարեկեցության ոլորտում Դաշնային վերահսկողական ծառայության ղեկավար Աննա Պոպովան, ԱԳ նախարարի տեղակալ Անդրեյ Ռուդենկոն, Ֆինանսների նախարարի տեղակալ Թիմուր Մաքսիմովը, պաշտոնատար այլ անձինք:

Ողջունելով ՌԴ կառավարական պատվիրակությանը` վարչապետ Փաշինյանը նշել է. «Հարգելի Սերգեյ Վիկտորի, հարգելի գործընկերներ, ջերմորեն ողջունում եմ ձեզ Երևանում: Ցանկանում եմ ընդգծել, որ շատ բարձր ենք գնահատում ձեր ներկայությունը մեր երկրում: Դա շատ կարևոր է մեզ համար ոչ միայն շարունակելու, այլ նաև հաշվի առնելով ընթացիկ իրավիճակի յուրահատկությունը` ամրապնդելու մեր կապերը, փոխգործակցությունը, որպեսզի հաղթահարենք այն իրավիճակը, որը ստեղծվել է մեր երկրում և ընդհանրապես տարածաշրջանում:
Ցանկանում եմ շնորհակալություն հայտնել ռուսաստանցի գործընկերներին այն աջակցության համար, որը նրանք ցուցաբերել են ոչ միայն ռազմական ճգնաժամի, այլ նաև կորոնավիրուսի ընթացքում: Կարծում եմ` բոլորս այս ժամանակահատվածում, հատկապես վերջին ամիսների ընթացքում զգացել ենք Ռուսաստանի Դաշնության աջակցությունը և այն բարեկամական ու դաշնակցային հարաբերությունները, որոնք մեր երկրների միջև ավանդաբար առկա են: Մենք ունենք քննարկման բավականին մեծ օրակարգ, վստահ եմ` կգանք բավականին շատ հարցերի լուծման ոչ միայն ընթացիկ, այլ նաև ռազմավարական բնույթի, որովհետև մեր տարածաշրջանում ռազմաքաղաքական իրավիճակը փոխվել է` հաշվի առնելով հայտնի հանգամանքներն ու իրադարձությունները: Կարծում եմ` մենք պետք է նորովի դիտարկենք մեր ռազմավարական տեսլականը մոտակա և ռազմավարական ապագայի համատեքստում: Կարծում եմ, այս առումով մենք ունենք ընդհանուր հայացքներ և ծրագրեր ու այսօրվա բանակցությունների ընթացքում պետք է դրանք հստակեցնենք: Շնորհակալ եմ»:

Загружается новость ... "Лево"

Իր հերթին, Սերգեյ Լավրովը հավելել է. «Հարգելի Նիկոլ Վովայի, հարգելի գործընկերներ, առաջին հերթին ցանկանում եմ Ձեզ փոխանցել նախագահ Պուտինի, կառավարության նախագահ Միշուստինի ջերմ ողջույններն ու լավագույն մաղթանքները: Մենք այստեղ ենք գտնվում Վլադիմիր Վլադիմիրիի որոշմամբ, Դուք նրա հետ քննարկել եք մեր այսօրվա հանդիպումների օրակարգը, նաև այդ մասին խոսել եք Միխայիլ Միշուստինի հետ: Մենք շահագրգռված ենք, որպեսզի ինչպես Դուք նշեցիք հարգելի Նիկոլ Վովայի, դիտարկենք մեր հարաբերությունների ողջ համալիրն այն բանից հետո, այն իրավիճակում, երբ նոյեմբերի 9-ին ձգձգվող բանակցություններից հետո ընդունվեց Հայաստանի, Ադրբեջանի և Ռուսաստանի երեք առաջնորդների հայտարարությունը, որը վերջ դրեց արյունահեղությանը և իրավիճակի կայունացման հնարավորություն ստեղծեց իր բոլոր համատեքստերում, այդ թվում` հումանիտար: Գիտեք, որ մեր խաղաղապահներն ակտիվորեն զբաղվում են այդ պայմանավորվածության իրականացման ուղղությամբ, այդ թվում` հումանիտար աջակցության ցուցաբերման: Մենք այսօր կքննարկենք նաև հարցեր, որոնք կապված են հումանիտար արձագանքման միջգերատեսչական կենտրոնի ստեղծման հետ: Այն ևս նոր կառույց է, ամբողջությամբ աշխատելու է քաղաքացիների կարիքների, քաղաքացիական ենթակառուցվածքների վերականգնման ուղղությամբ: Կդիտարկենք նաև մեր տնտեսական փոխգործակցության ընթացիկ հարցերը, էներգետիկայի ոլորտում փոխգործակցությունը` համաձայն ծրագրի, որը մեր հայ գործընկերները պատրաստել են մեզ համար: Նաև ընդգծեմ, որ մենք ակտիվորեն աշխատում ենք միջազգային կազմակերպությունների հետ, ՄԱԿ-ի կառույցների հետ, ինչպիսիք են` փախստականների հարցերով հանձնակատարի գրասենյակը, ՄԱԿ-ի մանկական հիմնադրամը, ՅՈՒՆԵՍԿՕ-ն և Կարմիր Խաչի միջազգային կազմակերպությունը: Բոլոր այս կազմակերպությունների, նրանց ղեկավարների հետ կապ ենք հաստատել, և այսօր էլ պատրաստ ենք մտքեր փոխանակել այն մասին, թե ինչպես օպտիմալ կերպով կազմակերպենք նրանց ներդրումն այն հարցերի շուրջ, որոնք անհրաժեշտ է այսօր դիտարկել և կարգավորել: Մենք շնորհակալ ենք Երևանում ավանդական ջերմ ընդունելության համար, և վերահաստատում ենք մեր աջակցությունը եղբայրական հայ ժողովրդին: Իմ գործընկերները Ձեր թույլտվությամբ պատրաստ են ներկայացնել մեր մոտեցումները տնտեսական, էներգետիկ, հումանիտար փոխգործակցության ասպեկտներով, այդ թվում` մեր ընդհանուր ջանքերը կոնորանվիրուսի դեմ պայքարում»:

Քննարկվել են Հայաստանի և Ռուսաստանի միջև տարբեր ոլորտներում, մասնավորապես՝ էներգետիկայի, տրանսպորտային ենթակառուցվածքների, կորոնավիրուսի դեմ պայքարի և այլ ուղղություններով համագործակցության զարգացմանն ու խորացմանը վերաբերող հարցեր:

Անդրադարձ է կատարվել Լեռնային Ղարաբաղին ցուցաբերվող ուղիղ հումանիտար աջակցությանը, ինչպես նաև պատերազմի հետևանքով դիերի և գերիների փոխանակման, հայկական մշակութային ժառանգության պահպանման ուղղությամբ քայլերին: Ընդգծվել է դրանց հետևողականության կարևորությունը:

Անդրադառնալով ԼՂ հակամարտության գոտում հրադադարի պահպանման գործում Թուրքիայի դերին` Սերգեյ Լավրովը շեշտել է, որ ռուս-թուրքական մոնիտորինգային կենտրոնը գործելու է բացառապես հեռավար կերպով: Մտքեր են փոխանակվել նաև տարածաշրջանում ռազմաքաղաքական իրավիճակի և դրա կայունացման շուրջ համագործակցության վերաբերյալ:

Վարչապետ Փաշինյանը կարևորել է Արցախում բնականոն կյանքի վերսկսումը և արցախցիների` հայրենի բնակավայրեր վերադառնալու հանգամանքը և նշել, որ ՀՀ կառավարությունն Արցախի կառավարության հետ իրականացնելու է ենթակառուցվածքների, բնակֆոնդի վերականգնման հետևողական ծրագրեր:–0–


Partners News
ԱՌԿԱ գործակալություն
Բաժնի այլ նյութեր
16:35
15 Փետրվարի 2021
Սիրահարների օրը՝ Եռաբլուրում (ՎԻԴԵՈ)
Ձեր սխրանքն անմահ է, Սիրահարների օրը՝ Եռաբլուրում. ՎԻԴԵՈ
16:16
15 Փետրվարի 2021
Ի՞նչ վնասվածքներ են եղել Երևանի դպրոցներում և մանկապարտեզներում երկրաշարժի հետևանքով, ԱԻՆ– ի մասնագետներն այցելել են կրթական հաստատություններ (ՎԻԴԵՈ)
Ի՞նչ վնասվածքներ են եղել Երևանի դպրոցներում և մանկապարտեզներում երկրաշարժի հետևանքով, ԱԻՆ– ի մասնագետներն այցելել են կրթական հաստատություններ. ՎԻԴԵՈ
14:50
15 Փետրվարի 2021
Առաջիկայում մոտավորապես 10-15 օր հաճախականությամբ նոր երթուղիներ կշահագործվեն. Մարության (ՎԻԴԵՈ)
Հայկ Մարությանը հայտնել է, որ առաջիկայում Երևանում մոտավորապես 10-15 օր հաճախականությամբ նոր երթուղիներ կշահագործվեն. ՎԻԴԵՈ
14:20
15 Փետրվարի 2021
Արմեն Սարգսյանը Լոնդոնից վերադարձել է Հայաստան. նա բուժվում էր կորոնավիրուսից (ՖՈՏՈ)
Արմեն Սարգսյանը Լոնդոնից վերադարձել է Հայաստան. նա բուժվում էր կորոնավիրուսից. ՖՈՏՈ
14:00
15 Փետրվարի 2021
20 տարվա մեջ առաջին անգամ. Հայաստանում փետրվարին ծիրանենի է ծաղկել (ՖՈՏՈ)
20 տարվա մեջ առաջին անգամ. Հայաստանում փետրվարին ծիրանենի է ծաղկել. ՖՈՏՈ
13:00
15 Փետրվարի 2021
Ինչի՞ց պետք է հրաժարվել Պահքի ժամանակ, իսկ եթե չիմանալով օգտագործել ենք արգելված սնունդ. Արարատյան Հայրապետական Թեմը պարզաբանում է Պահքին վերաբերող բոլոր հարցերը
Ինչի՞ց պետք է հրաժարվել Պահքի ժամանակ, իսկ եթե չիմանալով օգտագործել ենք արգելված սնունդ. Արարատյան Հայրապետական Թեմը պարզաբանում է Պահքին վերաբերող բոլոր հարցերը
11:38
15 Փետրվարի 2021
Ադրբեջանցիները կրակում են տարբեր տրամաչափի զինատեսակներից Սյունիքի գյուղերի անմիջական հարևանությամբ, կադրեր դեպքի վայրից (ՎԻԴԵՈ)
Ադրբեջանցիները կրակում են տարբեր տրամաչափի զինատեսակներից Սյունիքի գյուղերի անմիջական հարևանությամբ, կադրեր դեպքի վայրից. ՎԻԴԵՈ
11:04
15 Փետրվարի 2021
Նախօրեին կատարվել է կորոնավիրուսի 2802 թեստ, հաստատվել է 88 նոր դեպք, 90 մարդ առողջացել է. ԱՆ
Նախօրեին կատարվել է կորոնավիրուսի 2802 թեստ, հաստատվել է 88 նոր դեպք, 90 մարդ առողջացել է
10:48
15 Փետրվարի 2021
15 հայ ուխտավորներ այցելել են Դադիվանք (ՖՈՏՈ, ՎԻԴԵՈ)
Նախօրեին 15 հայ ուխտավորներ այցելել են Դադիվանք. ՖՈՏՈ, ՎԻԴԵՈ
10:40
15 Փետրվարի 2021
Այսօրվանից վերսկսվում է ՌԴ–ի հետ Հայաստանի կանոնավոր ավիահաղորդակցությունը
Ռուսաստանն այսօրվանից վերսկսում է կանոնավոր ավիահաղորդակցությունը Հայաստանի հետ
09:00
15 Փետրվարի 2021
Սկսվում է Առաջավորաց պահքը, ինչ է կարելի և ինչ չի կարելի ուտել ու անել մինչև Սուրբ Հարության տոնը
Սկսվում է Առաջավորաց պահքը,  ինչ է կարելի և ինչ չի կարելի ուտել ու անել մինչև Սուրբ Հարության տոնը
20:10
14 Փետրվարի 2021
Վաղը Երևանում նոր երթուղի է գործարկվում, 100 դրամանոց ունենալը պարտադիր է (ՖՈՏՈ)
Վաղը Երևանում նոր երթուղի է գործարկվում, 100 դրամանոց ունենալը պարտադիր է. ՖՈՏՈ