ԵՐԵՎԱՆ, 3 դեկտեմբերի․/Նովոստի-Արմենիա/․ «Քաղաքացիական պայմանագիր» իշխող խմբակցությունը կողմնորոշվել է նոր Մարդու իրավունքների պաշտպանի թեկնածուի հարցում։
««Քաղաքացիական պայմանագիր» խմբակցության հերթական նիստի ընթացքում, որոշում է կայացվել Մարդու իրավունքների պաշտպանի պաշտոնում առաջադրել Քրիստինե Գրիգորյանի թեկնածությունը», - նշվում է կուսակցության Facebook-յան էջում։
Քրիստինե Գրիգորյանը 2019թ․-ի հուլիսից զբաղեցնում է արդարադատության փոխնախարարի պաշտոնը։
Գործող մարդու իրավունքների պաշտպան Արման Թաթոյանի լիազորություններն ավարտվում են 2022թ․-ի փետրվարին։ Վերջին մեկ տարում Թաթոյանն ակտիվորեն զբաղվում է Հայաստանի սահմանամերձ շրջանների բնակիչների իրավունքների պաշտպանությամբ, որոնք Արցախյան պատերազմից հետո ապրում են ադրբեջանական զինծառայողների կողմից սպառնալիքների պայմաններում։-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում