ԵՐԵՎԱՆ, 29 հունվարի./Նովոստի-Արմենիա/. ՀՀ ԿԳՄՍ նախարարությունը մեկնաբանել է շրջանառվող լուրերը դպրոցների հեռավար անցնելու մասին:
Նշենք, որ վերջին օրերին Հայաստանում գրանցվում է կորոնավիրուսի նոր դեպքերի կտրուկ աճ, ինչի կապակցությամբ լուրեր էին շրջանառվում, որ դպրոցները կանցնեն հեռավար ուսուցման:
«ՀՀ կրթության, գիտության, մշակույթի և սպորտի նախարարությունը տեղեկացնում է՝ սոցիալական հարթակներում շրջանառվող այն տեղեկատվությունը, թե փետրվարի 7-ից դպրոցներն անցնում են հեռավար կրթության, չի համապատասխանում իրականությանը», - հայտնում են գերատեսչությունից։
ՀՀ ԿԳՄՍՆ-ից խնդրում են հետևել միայն պաշտոնական լրահոսին։
Ինչպես Facebook-յան իր էջում հայտնել է ԿԳՄՍ փոխնախարար Ժաննա Անդրեասյանը, ամբողջ կրթական համակարգի՝ հեռավար ուսուցման անցնելու լուրերը չեն համապատասխանում իրականությանը, տարածվող հրամանը կեղծ է։
«Որևէ կարգավորում չի փոխվել։ Գործում է իրավիճակային մոտեցում՝ ըստ ուսումնական հաստատությունում դեպքերի թվով ժամանակավոր հեռավար ուսուցման անցնելու մասով, արդեն երկրորդ տարին։ Այլ կարգավորում չկա», - նշել է փոխնախարարը։-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
