Պատրաստ ենք անել մեզնից կախված ամեն ինչ․ Վրաստանի ԱԳ նախարարը՝ տարածաշրջանի խաղաղության և կայունության մասին․
30.01.2025,
13:35
Վրաստանի ԱԳՆ ղեկավարը հույս հայտնեց, որ Հայաստանի և Ադրբեջանի միջև խաղաղության պայմանագիրը վերջնական տեսքի կբերվի երկու կողմերի համար շահավետ կետերով
ԵՐԵՎԱՆ, 30 հունվարի․/Նովոստի–Արմենիա/․ Վրաստանը հավատարիմ է մնում տարածաշրջանում կայուն խաղաղության հաստատմանը, հայտարարեց Վրաստանի արտգործնախարար Մակա Բոչորիշվիլին։
«Մենք պատրաստ ենք անել մեզնից կախված ամեն ինչ այս նպատակին հասնելու համար, որպեսզի վստահ լինենք, որ մեր տարածաշրջանը կայուն է, խաղաղ և բարգավաճ», - նշեց Բոչորիշվիլին հինգշաբթի Երևանում իր հայ գործընկեր Արարատ Միրզոյանի հետ համատեղ ասուլիսի ժամանակ։
Վրաստանի ԱԳՆ ղեկավարը հույս հայտնեց, որ Հայաստանի և Ադրբեջանի միջև խաղաղության պայմանագիրը վերջնական տեսքի կբերվի երկու կողմերի համար շահավետ կետերով, ինչ հիմք կծառայեն տարածաշրջանի կայունության և կայուն խաղաղության հասնելու համար։
Պատճենել հղումը
