ԵՐԵՎԱՆ, 2 նոյեմբերի./Նովոստի–Արմենիա/. ՀՀ վարչապետ Նիկոլ Փաշինյանը շաբաթ օրն ուղիղ եթեր է դուրս եկել իր Facebook-յան էջից և նշել, որ մի քանի օր առաջ ընտանիքի հետ տեղափոխվել է հանրապետության թիվ 1 առանձնատուն, որտեղ ավելի վաղ բնակվել է նախկին նախագահ Սերժ Սարգսյանը։
«Կապիտալ վերանորոգում չի եղել, մենք փոխել ենք պատերի գույնը», – ասաց Փաշինյանը` մեկնաբանելով շրջանառվող տեղեկություններն այն մասին, որ առանձնատան վերանորոգման վրա ծախսվել է 2 մլն դոլար։
Նրա խոսքով, Կոնդում կառավարական առանձնատների տարածքների վերանորոգման վրա ծախսվել է ավելի շատ, քան առանձնատան վերանորոգման վրա։
Փաշինյանը տեղեկացրեց, որ վերանորոգում է արվել պատերի ճաքերի պատճառով։
«Ամեն ինչ վրա ծախսվել է 2 մլն դոլարից առնվազն 10 անգամ ավելի քիչ։ Ընդ որում կառավարությունը տարվա ընթացքում տնտեսել է մոտ 130 մլն դոլար», – ասաց Փաշինյանը։
Նա ցույց տվեց սենյակները, նկարները, լուսանկարները, սենյակների ներքին հարդարանքն ու կահույքը` նշելով թե ինչն է պատկանում անձամբ իրեն և ինչն է պետական ունեցվածք։
Վարչապետը ցույց տվեց նաև դստեր խաղասենյակը, հանգստի գոտին, առանձնատանը գտնվող վարսավիրանոցը։ Նա նաև ցույց տվեց որդու ննջարանը, ով հիմա ծառայում է Հայոց բանակում։
Փաշինյանը կարևորեց, որ առանձնատունը սեփականաշնորհելու` նախկին իշխանությունները պլանները չպսակվեցին հաջողությամբ, և շինությունը կրկին դարձավ պետական սեփականություն։
Նա նաև հերքեց շրջանառվող խոսակցություններն այն մասին, որ իր կինն օգտվել է պետական ինքնաթիռից` Շվեյցարիա մեկնելու համար։
«Վերջերս քննարկվում է այն հարցը, թե ինչու եմ ես մեկնել Լոս Անջելես մասնավոր չվերթով։ Պատասխանը շատ պարզ է. ես անպայման պետք է Գյումրիում մասնակցեի Անկախության օրվա տոնակատարությանը, այնուհետև անպայման պետք է մեկնեի ԱՄՆ, իսկ հետո վերադառնայի, որպեսզի դիմավորեի Սինգապուրի վարչապետին», – ասաց Փաշինյանը` հավելելով, որ որևէ այլ չվերթով նա չէր կարող թռչել` նախատեսված ժամանակացույցում «տեղավորվելու» համար։–0–