Փաշինյանին և նախարարներին հաճելի անակնկալ մատուցեցին

ԵՐԵՎԱՆ, 21 փետրվարի./Նովոստի–Արմենիա/. ՀՀ վարչապետ Նիկոլ Փաշինյանին և կառավարության անդամներին հաճելի անակնկալ մատուցեցին։

Այսօր կառավարության նիստից առաջ վարչապետը նկատեց, որ կառավարության անդամների սեղաններին գրքեր են դրված։

«Երկու օր առաջ նշվեց Գիրք նվիրելու համար, սակայն կարծում եմ, որ գրքեր կարելի է նվիրել ամեն օր և հատկապես կառավարության նիստի ժամանակ։ Մենք բոլորս այսօր նվերներ ունենք` տարբեր գրքեր, որոնք նվիրել են մեզ հրատարակչությունները։ Սա հաճելի անակնկալ և լավ նվեր է, մաղթում եմ բոլորիս հաճելի ընթերցանություն», – ասաց Փաշինյանը։

Հայ մեծանուն գրող և բանաստեղծ Հովհաննես Թումանյանի ծննդյան օրը` փետրվարի 19–ը, Հայաստանում նշվում է որպես Գիրք նվիրելու օրը։ Փաշինյանն ու կինը` Աննա Հակոբյանը, այդ օրն անձամբ գրքեր նվիրեցին երևանցիներին։–0–