ԵՐԵՎԱՆ, 29 դեկտեմբերի./Նովոստի–Արմենիա/. Պետական վերահսկողական ծառայությունն այսօր՝ դեկտեմբերի 29–ին, ուսումնասիրություն է սկսել իրականացնել Երևանի քաղաքապետարանում։
Загружается новость ... "Лево"
Այս մասին հայտնում է
news.am–ը` հղում անելով քաղաքապետարանի տեղեկատվության եւ հասարակայնության հետ կապերի վարչության պետ Հովսեփ Կուբատյանին։
Ըստ Irakanum.am-ի տեղեկությունների՝ ՊՎԾ–ն քաղաքապետարանում ուսումնասիրություն է իրականացնում վարչապետ Նիկոլ Փաշինյանի հրահանգով, իսկ ուսումնասիրության նպատակը նախկին քաղաքապետ Հայկ Մարությանի գործունեությունն է։ Ըստ կայքի՝ ուսումնասիրվել են մի շարք փաստաթղթեր՝ քաղաքապետարանի եկամուտների, բյուջեի ծախսերի վերաբերյալ։
Մարությանի մասին
Հայկ Մարությանն առաջիններից մեկն էր, ով 2018թ.-ին աջակցում էր հեղափոխությանը: Նա հեղափոխությունից հետո առաջինն էր, ով շրջանառության մեջ դրեց հասարակությանը «սպիտակների» և «սևերի» բաժանելու երևույթը: Մասնավորապես, «Իմ քայլը» դաշինքի բարեգործական միջոցառման ժամանակ, որի ընթացքում 2018թ.-ի սեպտեմբերի 2-ին միջոցներ էին հավաքվում նախընտրական արշավի համար Երևանի Ավագանու խորհրդի ընտրությունների շրջանակում Մարությանը հայտարարեց, որ նրանք լուսավոր ուժ են, իսկ ովքեր չեն ցանկանում իրենց հաղթանակը, սևեր են:
Загружается новость ...
"Право"
Մարությանի և Փաշինյանի հարաբերություններում ճեղքում առաջացավ Արցախյան պատերազմից հետո, երբ Մարությանը դուրս եկավ «Քաղաքացիական պայմանագիր» կուսակցությունից։
Մոտ 10 օր առաջ Երևանի Ավագանու «Իմ քայլը» խմբակցությունը Մարությանին անվստահություն հայտնելու գործընթաց սկսեց։ Դեկտեմբերի 22–ին Մարությանը Ավագանու 44 կողմ և 10 դեմ ձայներով հեռացվեց Երևանի քաղաքապետի պաշտոնից, նրա փոխարեն նշանակվեց առաջին փոխքաղաքապետ Հրաչյա Սարգսյանը։
Մարությանը երևանցիներին ուղղված իր ուղերձում կոշտ
քննադատեց իշխանություններին։ Նա նշեց, որ իր կարծիքով հեղափոխության հիմնական նպատակը պետք է լիներ ուրիշների կյանքը բարելավելը, բայց ներկայիս իշխանությունը եկավ և սկսեց բարելավել իրենց կյանքը։–0–