ԵՐԵՎԱՆ, 3 նոյեմբերի./Նովոստի–Արմենիա/. ՀՀ ՊՆ–ն 2022թ.–ի հոկտեմբերի 10–ին միակողմանի խզել է զենքի մատակարարման պայմանագիրը Jadara Equipment and Defense Systems ընկերության հետ և պահանջել է տուգանք վճարել։
ՀՀ պաշտպանության նախարարի տեղակալ Կարեն Բրուտյանի կողմից ստորագրված համապատասխան փաստաթուղթը հրապարակվել է ՀՀ ֆինանսների նախարարության
կայքում։
Փաստաթղթում նշվում է, որ ՀՀ պաշտպանության նախարարության և Jadara Equipment and Defense Systems ընկերության միջև 06.08.2021թ. կնքված գնման պայմանագրի շրջանակներում հորդանանյան ընկերությունը 2021 թվականի ընթացքում պետք է մատակարարեր վերոհիշյալ պայմանագրով նախատեսված ապրանք, սակայն չի մատակարարել:
«Հիմք ընդունելով Պայմանագրի պահանջները՝ ՀՀ պաշտպանության նախարարությունը 2022 թ. հոկտեմբերի 10-ին միակողմանի ամբողջությամբ լուծել է վերոնշյալ պայմանագիրը: Տեղեկացնում եմ, որ «Ջադարա էքուիփմենթ ընդ Դիֆենս Սիսթեմ» ընկերությունը պարտավոր է սույն ծանուցումը ստանալուց հետո 5 (հինգ) բանկային օրվա ընթացքում ՀՀ ֆինանսների նախարարության կողմից բացված գանձապետական հաշվեհամարին փոխանցել 23 232 233 ՀՀ դրամ՝ որպես տույժ», – նշվում է փաստաթղթում։
Jadara Equipment Defense Systems–ը զբաղվում է մոտ և միջին հեռավորության հակատանկային համակարգերի, ինչպես նաև օպտիկաէլետկորնային համակարգերի, գիշերային տեսանելիության սարքերի արտադրությամբ։–0–