ԵՐԵՎԱՆ, 1 նոյեմբերի./Նովոստի–Արմենիա/. Նոյեմբերի 8-ից սկսած ԱՄՆ մեկնող օտարերկրացիներն ԱՄՆ օդային սահմանը կարող են հատել միայն ՔՈՎԻԴ19-ի դեմ լիարժեք պատվաստված լինելու և մուտքին նախորդող երեք օրվա ընթացքում հանձնած թեստի բացասական արդյունք ներկայացնելու դեպքում (բացառությունները խիստ սահմանափակ են), հայտնում է ՀՀ–ում ԱՄՆ դեսպանատունը։
Բացի այդ, պահանջվում է նաև հետևել տեղում գործող սանիտարահամաճարակային պահանջներին, ինչպիսիք են՝ դիմակ դնելը, ձեռքերը լվանալը և այլն։
Մանրամասն տեղեկություններին կարող եք ծանոթանալ հետևյալ հղմամբ։
Դեսպանատնից նաև հյանտում են, որ ԱՄՆ-ն ընդունում է այն պատվաստանյութերը, որոնք հաստատված են Միացյալ Նահանգների պարենի և դեղամիջոցների դաշնային դեպարտամենտի և Առողջապահության համաշխարհային կազմակերպության կողմից, դրանց թվում` Հայաստանում կիրառվող «ԱստրաԶենեկա», «Մոդեռնա», «Սինոֆարմ» և «Կորոնավակ» պատվաստանյութերը։–0–
