ԵՐԵՎԱՆ, 6 հոկտեմբերի./Նովոստի–Արմենիա/. «Մեդիա Պաշտպան» նախաձեռնությունն անհանգստություն է հայտնել շաբաթ օրը մի խումբ երիտասարդների կողմից «Հայելի» մամուլի ակումբի կատարված հարձակման կապակցությամբ։
Загружается новость ... "Лево"
Նախօրեին նախաձեռնությունը հայտարարություն է տարածել, որում նշվում է, որ նմանօրինակ դեպքերը և լրատականների նկատմամբ ճնշումները պետք է բացառվեն։
«Մեդիա Պաշտպան» նախաձեռնությունը հույս է հայտնում, որ ՀՀ ոստիկանությունն արագ կարձագանքի և օրինական դաշտ կբերի գործողությունների հեղինակներին։
««Մեդիա Պաշտպանը» չի ցանկանում իրավական գնահատական տալ երիտասարդների գործողություններին, բայց նախնական ուսումնասիրությունները ցույց են տալիս, որ արարքը խուլիգանական բնույթ ունի և կարող է պատժվել ՀՀ Քրեական օրենսգրքի 258-րդ հոդվածի 3-րդ կետով, այն է մի խումբ անձանց կողմից կատարված խուլիգանություն», – նշվում է հայտարարության մեջ։
Загружается новость ...
"Право"
«Մեդիա Պաշտպան» նախաձեռնությունը ևս մեկ անգամ հայտարարում է, որ սատար է կանգնելու խոսքի ազատությանը։ Նախաձեռնությունը պատրաստ է օրենքի շրջանակներում աջակցել «Հայելի» մամուլի ակումբին։
Մի խումբ երիտասարդներ շաբաթ օրը ցերեկը հարձակվել են «Հայելի» մամուլի ակումբի վրա, որի հիմնադիրն ու ղեկավարն Անժելա Թովմասյանն է։ 4 անձինք պաշարել են «Հայելի» մամուլի ակումբը։ Նրանք ձվեր են նետել ակումբի դռներին ու պաստառներ փակցրել։
Անժելա Թովմասյանը տեղի ունեցածը որակել է խուլիգանություն, որին պետք է շատ արագ տրվի իրավական պատասխան։ Հայաստանի ժուռնալիստների միությունն իր հերթին խստորեն դատապարտում է «Հայելի» մամուլի ակումբի դեմ տեղի ունեցած հարձակումը՝ կատարվածը գնահատելով որպես ոտնձգություն՝ ուղղված ազատ խոսքի դեմ։
Անժելա Թովմասյանը Սահմանադրական դատարանի նախագահ Հրայր Թովմասյանի քույրն է։ Հոկտեմբերի 4–ին ԱԺ պատգամավորները գաղտնի քվեարկությամբ հավանություն տվեցին «Իմ քայլը» խմբակցության նախաձեռնությանը, որը վերաբերում է ՍԴ նախագահ Հրայր Թովմասյանի լիազորությունների դադարեցմանը։ Խմբակցությունում կարծում են` քանի որ Թովմասյանը երկար ժամանակ եղել է նախկին իշխող ՀՀԿ կուսակցության անդամ և 2010թ.–ից զբաղեցրել է մի շարք առանցքային պաշտոններ, ապա դա հարուցում է կասկածներ Թովմասյանի անաչառության հարցում։ Որպես երկրորդ պատճառ նշվում է այն, որ Թովմասյանն ազգակցական հարաբերություններ ունի նախկին նախագահ Ռոբերտ Քոչարյանի փաստաբան Արամ Օրբելյանի հետ։–0–