ԵՐԵՎԱՆ, 26 հունիսի./Նովոստի–Արմենիա/. Կյանքից հեռացել է հայտնի հաղորդավար Գևորգ Եղիազարյանը։
Այս մասին նշվում է «Հորիզոն» հեռուստաընկերության Facebook–յան էջում։
«Սրտի խորը ցավով հայտնում ենք բոթը՝ կյանքից վաղաժամ հեռացել է բոլորիս կողմից սիրված հաղորդավար, մեր գործընկեր Գևորգ Եղիազարյանը: Նրա ընտանիքին, մտերիմներին ու նրա արվեստը գնահատող մարդկանց մեր խորը ցավակցություններն ենք հայտնում....», – նշվում ` հեռուստաընկերության հաղորդագրության մեջ։
Հայկական ԶԼՄ–ների հաղորդմամբ, Եղիազարյանը վերջին տարիներին բնակվում էր ԱՄՆ–ում։ Մահվան պատճառները չեն հաղորդվում։ Եղիազարյանի ընտանիքը որոշել է նրա մարմինը տեղափոխել Հայաստան։–0–
