Լոս Անջելեսի քաղաքապետարանի շենքը լուսավորված է հայկական եռագույնով

ԵՐԵՎԱՆ, 10 նոյեմբերի./Նովոստի–Արմենիա/. Լոս Անջելեսի քաղաքապետարանի շենքը այս պահին՝ լուսավորված հայկական եռագույնով։ Այս մասին հայտնում է Լոս Անջելեսում Հայաստանի գլխավոր հյուպատոսությունը։ 

«Այս խորհրդանշական քայլն արվել է 44-օրյա արցախյան պատերազմի հրադադարի առաջին տարելիցի առիթով` ի հիշատակ զոհվածների և ի համերաշխություն Ադրբեջանում դեռևս գերության մեջ գտնվող հայ ռազմագերիների։ Շնորհակալություն Փոլ Կրեկորյանին և Լոս Անջելեսի քաղաքային խորհրդի ամբողջ կազմին», – նշվում է հյուպատոսության հաղորդագրության մեջ։–0–