Կնշանակվի քննություն, թերացողները կերևան. ԳՇ պետը՝ Տեղ գյուղի մոտ ադրբեջանական սադրանքի մասին

ԵՐԵՎԱՆ, 13 ապրիլի./Նովոստի-Արմենիա/. Կնշանակվի քննություն, թերացողները կերևան: Այս մասին հայտարարեց ՀՀ ԳՇ պետ Էդվարդ Ասրյանը՝ լրագրողների խնդրանքով մեկնաբանելով վարչապետ Նիկոլ Փաշինյանի հայտարարությունն այն մասին, որ անվտանգության ապահովմանն ուղղված մի շարք հանձարարականներ չեն կատարվել:

«Եթե վարչապետը նշել է թերացումների մասին, ուրեմն կնշանակվի քննություն, թերացողները կերևան», - ասաց Ասրյանը:

Արձագանքելով լրագրողների դիտարկմանը, թե ինչու անվտանգության ապահովմանն ուղղված հանձնարարականները չեն կատարվել՝ Ասրյանը նշեց. «Դուք ի՞նչ գիտեք, որ չի կատարվել»:

Ապրիլի 11-ին ժամը 16:00-ի սահմաններում, Ադրբեջանի ԶՈՒ ստորաբաժանումները կրակ են բացել Տեղ համայնքի ուղղությամբ ինժեներական աշխատանքներ իրականացնող ՀՀ ԶՈՒ զինծառայողների ուղղությամբ: Հայկական կողմը դիմել է պատասխան գործողությունների։

Ադրբեջանի ԶՈՒ ստորաբաժանումները կիրառել են ականանետային միջոցներ: Հայկական կողմն ունի 4 զոհ և 6 վիրավոր:-0-