Խստիվ արգելվում է քիմիական մշակման ենթարկված տարածքներ մարդկանց և կենդանիների մուտքը, բույսերի հավաքը. նախարարությունից զգուշացնում են

ԵՐԵՎԱՆ, 6 հունիսի./Նովոստի–Արմենիա/. Վաղը` հունիսի 7-ից Բյուրականի անտառապետության տարածքում կատարվելու են ավիացիոն-քիմիական պայքարի միջոցառումներ։

Ինչպես հաղորդում է ՀՀ շրջակա միջավայրի նախարարությունը, պայքարի միջոցառումների ավարտից հետո՝ 25 օր, խստիվ արգելվում է քիմիական մշակման ենթարկված տարածքներ մարդկանց և կենդանիների մուտքը, սնկերի, բույսերի և հատապտուղների հավաքը:

«Նշված ժամանակահատվածում անհրաժեշտ է մեղվաընտանիքները դուրս բերել քիմիական մշակման ենթարկված տարածքներից», – նշում են նախարարությունից։–0–