575.78
6.71
487
+32
Եղանակը Երևանում
Հայ

Կաթվածահար է եղել Հայաստան-Իրան ճանապարհով ազատ տեղաշարժը.ՄԻՊ

11:21
27 Օգոստոսի 2021

ԵՐԵՎԱՆ, 27 օգոստոսի./Նովոստի–Արմենիա/. Ակնհայտ է, որ Սյունիքում Գորիս-Կապան ճանապարհը փակելը ադրբեջանական իշխանությունների կողմից նախապես պլանավորված բացահայտ հանցանք է ՀՀ ողջ քաղաքացիական բնակչության դեմ, նշել է ՀՀ մարդու իրավունքների պաշտպան Արման Թաթոյանը: 

«Այդ հանցանքը նրանց զինված ծառայողները պարզապես իրագործել են իրենց իսկ հորինած սադրանքի հիման վրա», – նշել է Թաթոյանը Facebook–յան իր էջում: 

Նրա խոսքով, արդեն 2-րդ օրն է ադրբեջանական զինված ծառայողները փակ են պահում Գորիսից Կապան տանող ՀՀ միջպետական ճանապարհը: 

«Արդյունքում՝ մյուս բնակավայրերից գրեթե ամբողջությամբ կտրվել են գյուղեր՝ Գորիսի Որոտանը, Շուռնուխը, Բարձրավան գյուղերը, Կապանի Նոր Առաջաձոր գյուղի մի թաղամասը: Նշված գյուղերում առաջացել են սննդամթերքի ու առաջին անհրաժեշտության ապրանքների, բժշկական ծառայությունների հասանելիության լրջագույն սահմանափակումներ՝ մարդկանց կանգնեցնելով հումանիտար ճգնաժամի իրական վտանգի առաջ», – նշել է Թաթոյանը: 

Նրա խոսքով, ադրբեջանական զինված ծառայողների բացահայտ հանցավոր արարքների պատճառով լրջորեն սահմանափակվել է հատկապես այդ գյուղերի քաղաքացիական բնակչության (այդ թվում՝ երեխաներ, կանայք, տարեցներ) ազատ տեղաշարժը: 

«Դրա արդյունքում լրջորեն ծանրաբեռնվել է Սյունիքի Տաթև-Կապան ճանապարհը:

Ադրբեջանական զինված ուժերի այս արարքները ՀՀ-ում առաջացրել են մարդու իրավունքների զանգվածային խախտումներ՝ մարդկանց ազատ տեղաշարժը, բժշկական ծառայությունների հասանելիությունը, խաթարվել է քաղաքացիական բնակչության բնականոն կյանքը և միջազգայնորեն երաշխավորված այլ կենսական իրավունքներ:

Դրանից բացի, լրջորեն սահմանափակվել է տարբեր ապրանքներ, այդ թվում՝ գործարար նպատակներով տեղափոխող բեռնատար մեքենաների, մարդկանց տեղաշարժը Իրանից Հայաստան և հակառակը: Այսինքն՝ կաթվածահար է եղել Հայաստան-Իրան ճանապարհով ազատ տեղաշարժը», – ընդգծել է Թաթոյանն` ավելացնելով, որ իր անմիջական ղեկավարությամբ երեկ ու այսօր փաստահավաք աշխատանքները, ահազանգերի ու իրավիճակի վերլուծությունները ակնհայտ ցույց են տալիս, որ Գորիս-Կապան ճանապարհի 2 հատվածները փակվել են ադրբեջանական բարձրագույն իշխանությունների հրահանգով: 

«Նրանք են այս հանցավոր արարքների ուղղակի պատասխանատուն, որ ամբողջությամբ խաթարել են մարդկանց անվտանգությունը, խաղաղ կյանքն ու անդորրը, առաջացրել են լարվածություն ողջ հասարակությունում: Այս արարքները հետևողականորեն հաստատում են իմ ավելի ու ավելի հիմնավոր դարձած պնդումները, որ ադրբեջանական զինծառայողների ինքին ներկայությունը ՀՀ գյուղերի մոտ ու Սյունիքում ճանապարհներին խախտում է կյանքի իրավունքը, ազատ տեղաշարհը, սեփականության իրավունքը, բնականոն կյանքը և այլ կենսական իրավունքներ:

Մեր պետությունը պետք է գործի «ամեն րոպեն» թանկ է սկզբունքով ու թիրախային օգտագործի միջազգային մեխանիզմները», – ասել է Թաթոյանը: 

Նրա խոսքով, իր աշխատակազմի Երևանի կենտրոնական ու Սյունիքի մարզային ստորաբաժանումները ողջ օրվա ընթացքում կապի մեջ են եղել բնակիչների, տեղական ինքնակառավարման մարմինների հետ: Երեկ ու այսօր ընթացքում ՀՀ ԱԱԾ սահմանապահ զորքերն իրականացրել են ՀՀ քաղաքացիական բնակչության անվտանգության ապահովման անփոխարինելի դեր: 

«Մենք իրական վիճակի մասին զեկույցները, փաստահավաք աշխատանքների օբյեկտիվ արդյունքները պարբերաբար ենք ուղարկում միջազգային մարմինների, այդ թվում՝ անհատապես այդ մարմինների պաշտոնատար անձանց՝ ՄԱԿ, ԵԽ, ԵՄ, ԵԱՀԿ և այլն, ինչպես նաև ՀՀ մարմիններին», – եզրափակել է Թաթոյանը:–0–

Partners News
Partners News
ԱՌԿԱ գործակալություն
Բաժնի այլ նյութեր
14:42
15 Սեպտեմբերի 2021
Հայաստանը 7 երկրից արգելել է խոզի մսի ներմուծումը աֆրիկյան ժանտախտի բռնկման պատճառով
Հայաստանը 7 երկրից արգելել է խոզի մսի ներմուծումը աֆրիկյան ժանտախտի բռնկման պատճառով
11:57
15 Սեպտեմբերի 2021
Կենտրոնի թաղապետարանում տեղի ունեցած ծեծկռտուքի հետքերով.թաղապետի տեղակալին մեղադրանք է առաջադրվել
Կենտրոնի թաղապետարանում տեղի ունեցած ծեծկռտուքի հետքերով.թաղապետի տեղակալին մեղադրանք է առաջադրվել
11:11
15 Սեպտեմբերի 2021
Երևան, հնարավոր է, բերվեն 12 մետրանոց 100 ավտոբուսներ
Քաղաքապետարանից հայտնեցին, որ տրանսպորտի բեռնաթափման նպատակով նախատեսվում է համալրել ավտոբուսային պարկը
11:05
15 Սեպտեմբերի 2021
Նախօրեին կորոնավիրուսից մահացել է 22 մարդ, գրանցվել է 756 նոր դեպք
Նախօրեին կորոնավիրուսից մահացել է 22 մարդ, գրանցվել է 756 նոր դեպք
10:58
15 Սեպտեմբերի 2021
ՄԻՊ աշխատանքային խումբը մեկնել է Սյունիք
ՄԻՊ աշխատանքային խումբը մեկնել է Սյունիք` Որոտանի հատվածում Ադրբեջանի տեղադրած ոստիկանական հենակետի հետ կապված
10:05
15 Սեպտեմբերի 2021
Ադրբեջանի ինքնաթիռը ՀՀ երկնքում, ոստիկանները փնտրում են հանցագործին,զոհվածների ծնողները կոչ են անում․ԿԱՐԵՎՈՐ ԼՈւՐԵՐ (ՎԻԴԵՈ)
Ադրբեջանի ինքնաթիռը ՀՀ երկնքում, ոստիկանները փնտրում են հանցագործին,զոհվածների ծնողները կոչ են անում․ԿԱՐԵՎՈՐ ԼՈւՐԵՐ.ՎԻԴԵՈ
23:48
14 Սեպտեմբերի 2021
Սերժանտի մահվան և զինծառայողի վիրավորման գործով ձերբակալվել է նրանց ծառայակիցը
Սերժանտի մահվան և զինծառայողի վիրավորման գործով ձերբակալվել է նրանց ծառայակիցը
23:23
14 Սեպտեմբերի 2021
Խծաբերդում մարտական հերթապահություն իրականացրած գումարտակի հրամանատարը կալանավորվել է, նրան մեղադրանք է առաջադրվել 6 հոդվածով
Խծաբերդում մարտական հերթապահություն իրականացրած գումարտակի հրամանատարը կալանավորվել է, նրան մեղադրանք է առաջադրվել 6 հոդվածով
21:36
14 Սեպտեմբերի 2021
Աշխատանքային օրենսգրքում չկա որևէ դրույթ, համաձայն որի, անձը չթեստավորվելու կամ չպատվաստվելու դեպքում պետք է ազատվի աշխատանքից. փաստաբանը՝ COVID-19-ի դեմ պատվաստումների հարկադրանքի մասին
Աշխատանքային օրենսգրքում չկա որևէ դրույթ, համաձայն որի, անձը չթեստավորվելու կամ չպատվաստվելու դեպքում պետք է ազատվի աշխատանքից. փաստաբանն անդրադարձել է կորոնավիրուսի դեմ պատվաստումների հարկադրանքին
21:24
14 Սեպտեմբերի 2021
Ինչու՞ Երևանի ավտոբուսների օդորակիչները չեն հովացնում․ քաղաքապետարանից նշել են պատճառը (ԷՔՍԿԼՅՈւԶԻՎ)
Ինչու՞ Երևանի ավտոբուսների օդորակիչները չեն հովացնում․ քաղաքապետարանից նշել են պատճառն ու ներկայացրել պարզաբանումներ.ԷՔՍԿԼՅՈւԶԻՎ

19:37
14 Սեպտեմբերի 2021
ԳԼԽԱՎՈՐ ԼՈՒՐԵՐ. Զոհ՝ սահմանին, գաղտնի գործարք Աղվան Հովսեփյանի հետ և հայ ներկայացող ադրբեջանցիներ (ՎԻԴԵՈ)
ԳԼԽԱՎՈՐ ԼՈՒՐԵՐ. Զոհ՝ սահմանին, գաղտնի գործարք Աղվան Հովսեփյանի հետ և հայ ներկայացող ադրբեջանցիներ.ՎԻԴԵՈ
19:17
14 Սեպտեմբերի 2021
ՎՏԲ-Հայաստան Բանկի հաճախորդները ստանում են կենսաթոշակ մինչև յուրաքանչյուր ամսվա երկրորդ աշխատանքային օրը
ՎՏԲ-Հայաստան Բանկի հաճախորդները ստանում են կենսաթոշակ մինչև յուրաքանչյուր ամսվա երկրորդ աշխատանքային օրը