ՃՈ ուժեղացված ծառայություն Երևանում, ուշադրության կենտրոնում էին կանգառ-կայանման խախտումներ կատարած մեքենաները (ՎԻԴԵՈ)
21:15
03 Մարտի 2020
ԵՐԵՎԱՆ, 3 մարտի./Նովոստի–Արմենիա/. Ճանապարհային ոստիկանությունը շարունակում է ուժեղացված ծառայությունները։
Մարտի 3-ին ճանապարհային ոստիկանության առաջին սպայական գումարտակի ծառայողներն ուժեղացված ծառայություն իրականացրին Երևանում։
Ճանապարհային ոստիկանների ուշադրության կենտրոնում էին կանգառ-կայանման խախտումներ կատարած մեքենաներ, հաղորդում է ՃՈ մամուլի ծառայությունը։
Загружается новость ... "Лево"
Հայտնաբերվեցին և վարչական իրավախախտման վերաբերյալ արձանագրություն կազմվեցին մի շարք վարորդների նկատմամբ, որոնք մեքենաները կայանել էին չթույլատրված վայրերում, 3 տրանսպորտային միջոց ավտոքարշակով տեղափոխվեց ճանապարհային ոստիկանության պահպանվող հատուկ տարածք։
Վարչական պատասխանատվության ենթարկվեցին նաև մայթերին կայանված մեքենաների վարորդներ, զգուշացվեցին աղբամանների դիմաց կայանված տրանսպորտային միջոցների վարորդները։
Ուժեղացված ծառայության ընթացքում հայտնաբերվեցին նաև բեռնատարներ, որոնց վարորդները երթևեկում էին բեռների տեղափոխման կանոնների խախտումներով։
«Հայտնաբերված բոլոր օրինախախտների նկատմամբ կազմվել են վարչական իրավախախտման վերաբերյալ արձանագրություններ», – նշվում է գերատեսչության հաղորդագրության մեջ։
ՃՈ–ից հորդորում են վարորդներին պահպանել ճանապարհային երթևեկության կանոնները։–0–
