«Ինչու՞ եք մեզ տեռորիստի հետ համեմատում». միջադեպ լրագրողի և արդարադատության նախարարի միջև (ՎԻԴԵՈ)

ԵՐԵՎԱՆ, 6 օգոստոսի./Նովոստի–Արմենիա/. Արդարադատության նորանշանակ նախարար Կարեն Անդրեասյանն այսօր կառավարության նիստից հետո լրագրողների հետ ճեպազրույցում անդրադարձավ Ազգային ժողովում օգոստոսի 2-ից կիրառվող լրագրողների մասնագիտական աշխատանքի սահմանափակումների հարցին:

Նա որպես օրինակ բերեց 1999թ.–ի հոկտեմբերի 27–ին Հայաստանի Ազգային ժողովում ահաբեկչություն կազմակերպած Նաիրի Հունանյանին, և նշեց, որ  «կարող են լինել վարձկաններ, որոնք թաքնված լինեն լրագրողի կերպարի տակ»:

Նշենք, որ նորընտիր խորհրդարանում միջանցքներն ամբողջությամբ անցել են պետական պահպանության ծառայության վերահսկողության տակ: Լրագրողների ազատ տեղաշարժը խիստ սահմանափակված է: Ուժեղացվել է նաև նիստերի դահլիճի մուտքերի հսկողությունը։ Բոլոր դռների մոտ տեղադրվել են մետաղորսիչ սարքեր։

Մանրամասները՝ տեսանյութում: -0-