540.24
6.13
482.57
-8
Եղանակը Երևանում
Հայ

Հունվարի 1-ից նոր սահամափակումներ են սպասվում հանրային վայրերում․ի՞նչ կարծիք ունեն փորձագետները

20:30
07 Դեկտեմբերի 2021

ԵՐԵՎԱՆ, 7 դեկտեմբերի․/Նովոստի-Արմենիա/․ Համաճարակային իրավիճակը լիիրավ հավասար է պատերազմական իրավիճակին, քանի որ թե´ մարդկային կորուստներ են լինում, թե´ տնտեսական վնասներ:

Այս մասին Հանրային հեռուստաընկերության եթերում ասաց բժշկական գիտությունների դոկտոր, պրոֆեսոր, «Արաբկիր» ԲՀ-ի գիտական ղեկավար Արա Բաբլոյանը:

«Երբ խոսում ենք քաղաքացիների առողջության, հանրային առողջապահության մասին, այնպիսի տպավորություն է, որ սա միայն բժիշկների պարտականությունն է, բայց ադպես չէ: Մեր քաղաքացիների առողջության համար պատասխանատու են բոլոր կազմակերպություններն ու գերատեսչությունները»,-ասաց Բաբլոյանը:

Նշենք, որ ՀՀ առողջապահության նախարար Անահիտ Ավանեսյանը ավելի վաղ հայտարարել էր, որ հունվարի 1-ից հանրային սննդի վայրերում, մշակութային միջոցառումներին քաղաքացիների մուտքը կթույլատրվի միայն ՊՇՌ թեստի բացասական արդյունքի կամ պատվաստման հավաստագրի առկայությամբ:

Արա Բաբլոյան հանրային առողջության տեսանկյունից խոսելիս ասաց, որ ընդունվող որոշումը բխում է միայն հասարակության շահերից:

Загружается новость ... "Лево"

Ամերիկյան համալսարանի հանրային առողջապահության ֆակուլտետի դեկան Վարդուհի Պետրոսյանն էլ իր հերթին ասաց, քանի որ գործ ունենք վարակիչ հիվանդության հետ, այդ պարագայում արդեն սահմանափակվում է անհատի ազատությունը, և չի կարող գերիշխել հանրային առողջությունը կյանքի իրավունքին:

«Եվ այս ձեռնարկվող քայլերի առումով, որոնք մեր երկրում աստիճանաբար արվում են, կարծում եմ, որ հատկապես աշխատող բնակչության մեծ մասն արդեն որոշ սահամափակումների ենթարկվել է: Այստեղ ուղղակի նպատակ կա բնակչության այն հատվածի համար, որը խոցելի խումբ է՝ օրինակ 65 տարեկան և ավելի անձինք, որոնց դեպքում մեծ է  ռիսկը վարակվելու և մահանալու, պատվաստումը ևս մեկ շարժառիթ լինի »,-ընդգծեց  Պետրոսյանը:

«Ռեստորանների ասոցիացիա» ՀԿ նախագահ Աշոտ Բարսեղյանը նշեց, որ սահմանափակումների գնալու հետ մեկտեղ, պետությունը պարտավոր է երաշխավորել, որ այն մարդիկ, ովքեր զբաղված են հասարակական սննդի ոլորտում, չեն կորցնի իրենց աշխատանքը:

«Սա պարզապես պետական հոգածության մասին է խոսքը: Չի կարելի պետական մակարդակում խուճապ տարածել, և պետք է համապարփակ աշխատել բոլոր ուղություններով և բոլոր ոլորտներում՝ հնարավորինս քիչ վնաս հասցնելով տնտեսությանը»,-ասաց Բարսեղյանը:

«Արաբկիր» ԲՀ-ի գիտական ղեկավար Արա Բաբլոյանն էլ ասաց, որ հիմնական նպատակը, ոչ թե ռեստորանները, մշակութային ու ժամանցային վայրերը փակելն է, այլ ստեղծել պայմաններ, որ այդ կենտրոնները կարողանան շարունակել իրենց բնականոն գործունեությունը:

Առողջապահության նախարարության հիվանդությունների վերահսկման և կանխարգելման ազգային կենտրոնի փոխտնօրեն Նունե Բակունցն իր հերթին նշեց, որ գիտականորեն վաղուց ապացուցված է, որ պատվաստվելը նվազեցնում է վարակելիության ծայրահեղ ծանր դեպքերը:

«Այստեղ շատ կարևոր է վարակման կրիտիկական կետերի ժամանակին հայտնաբերումը: Այսինքն հասկանալ՝ որտեղից է գալիս վարակի շղթան, դա կլինի հանրային տրանսպորտը թե մշակութային ու հանրային վայրերը, այդքան էլ էական չէ, այս պարագայում պետք է հայտնաբերել վարակի գոտին ու համապատասխան քայլեր ձեռնարկել, ինչն էլ արվում է»,-ասաց Բակունցը:

ՍԱՏՄ սննդամթերքի անվտանգության վարչության պետ Վահե Դանիելյանը ևս կարևորեց խստացումների, երբեմն նույնիսկ կոշտ սահմանափակումների գնալը հատկապես համաճարակային պայմաններում:

«Հաճախ մենք փորձում ենք բիզնես շահը ավելին դասել, քան հասարակական ու առողջապահական շահը, բայց առաջնային օղակում պետք է լինի բնականաբար առողջությունը, որպեսզի մյուս օղակները ևս կարողանան բնականոն գործել»,-ասաց Դանիելյանը:

Ամերիկյան համալսարանի հանրային առողջապահության ֆակուլտետի դեկան Վարդուհի Պետրոսյանի խոսքով՝ չնայած նրան, որ թվերը նվազում են, այնուամենայնիվ ներկա պահին անհրաժեշտ է խիստ միջոցառումների ձեռնարկումը վարակի հետագա սպասվող ալիքներից խուսափելու համար:

«Այս պահին թե´ պատվաստումների, թե´ վարակելիության առումով ուենենք լավ միտումներ, սակայն դեռևս մենք շատ հեռու ենք ավելի լավ իրավիճակում լինելուց, դրա համար անհրաժեշտ է, որ նման միջոցառումներ ձեռնարկվեն աստիճանաբար պատվաստումների ցուցանիշները բարձրացնելու և կոլեկտիվ իմունիտետ ձևավորելու համար»,-ասաց Պետրոսյանը:

Աղոջապահության մասնագետների խոսքով՝ սահմանափակումների գնալն ու պահպանելը միայն պետության գործը չէ, դրա համար պատասխանատու է նաև հասարակությունը:-0- 
Partners News
Partners News
ԱՌԿԱ գործակալություն
Բաժնի այլ նյութեր
19:21
28 Հունվարի 2022
Ադրբեջանն է անկանոն կրակահերթ արձակել. ՊՆ-ն հերքում է ադրբեջանական դիրքերի ուղղությամբ կրակելու մասին Բաքվի տարածած տեղեկությունը
Ադրբեջանն է անկանոն կրակահերթ արձակել. ՊՆ-ն հերքում է ադրբեջանական դիրքերի ուղղությամբ կրակելու մասին Բաքվի տարածած տեղեկությունը
12:12
28 Հունվարի 2022
Փոխվարչապետը հայտնեց, թե ում համար չի բարձրանա գազի սակագինը
Փոխվարչապետը հայտնեց, թե ում համար չի բարձրանա գազի սակագինը
11:53
28 Հունվարի 2022
Կորոնավիրուսի 3536 նոր դեպք՝ մեկ օրում. Հայաստանում կրկին հակառեկորդ է
Կորոնավիրուսի 3536 նոր դեպք՝ մեկ օրում. Հայաստանում կրկին հակառեկորդ է
09:00
28 Հունվարի 2022
Հայաստանը նշում է ՀՀ Զինված ուժերի կազմավորման 30-ամյակը
Հայաստանը այսօր՝ հունվարի 28-ին, նշում է հանրապետության Զինված ուժերի կազմավորման 30-ամյակը
13:54
27 Հունվարի 2022
Նախարար. Հայաստանում նկատվում է օմիկրոն շտամով հիվանդացության կտրուկ աճ
Հայաստանում նկատվում է օմիկրոն շտամով հիվանդացության կտրուկ աճ
12:10
27 Հունվարի 2022
Հետաձգվել է «Դվին» հյուրանոցում ԶՈւ կազմավորման 30–ամյակին նվիրված ընդունելությունը. հայտնի է պատճառը
Հետաձգվել է «Դվին» հյուրանոցում ԶՈւ կազմավորման 30–ամյակին նվիրված ընդունելությունը. հայտնի է պատճառը
11:37
27 Հունվարի 2022
2 556 նոր դեպք` մեկ օրում. Հայաստանում կորոնավիրուսի դեպքերի կտրուկ աճ է գրանցվում
2 556 նոր դեպք` մեկ օրում. Հայաստանում կորոնավիրուսի դեպքերի կտրուկ աճ է գրանցվում
22:04
26 Հունվարի 2022
QR կոդի սկանավորման կարիք չկա՞. ԱՆ-ն հայտարարություն է տարածել կորոնավիրուսային նոր սահմանափակումների վերաբերյալ
QR կոդի սկանավորման կարիք չկա՞. ԱՆ-ն հայտարարություն է տարածել կորոնավիրուսային նոր սահմանափակումների վերաբերյալ
21:54
26 Հունվարի 2022
ՎՏԲ-Հայաստան Բանկն առաջարկում է ձեռնարկատերերին բանկային երաշխիքներ՝ պայմանագրային պարտավորությունների ապահովման նպատակով
ՎՏԲ-Հայաստան Բանկի երաշխիքների միջոցով փոքր և միջին ձեռնարկատերերը կարող են խնայել իրենց գումարները՝ գործընկերների հետ հաշվարկներ կատարելիս և մրցույթներին մասնակցելիս
15:51
26 Հունվարի 2022
ՔՊ–ից մեկնաբանել են նախագահի պաշտոնում իշխանական թեկնածուի նշանակման հարցը
ՔՊ–ից մեկնաբանել են նախագահի պաշտոնում իշխանական թեկնածուի նշանակման հարցը

15:26
26 Հունվարի 2022
ԶԼՄ–ները հայտնում են նախագահի պաշտոնում ՔՊ–ական թեկնածուի անունը
ԶԼՄ–ները հայտնում են նախագահի պաշտոնում ՔՊ–ական թեկնածուի անունը
12:38
26 Հունվարի 2022
Փաշինյանը վարակվել է կորոնավիրուսով
Փաշինյանը վարակվել է կորոնավիրուսով