Հրապարակվել են Գառնի–Երևան մայրուղային ջրատարի խոշոր վթարի կադրերը. Երևանի մի շարք շրջաններում 24 ժամ ջուր չի լինի (ՎԻԴԵՈ)

ԵՐԵՎԱՆ, 15 հունիսի./Նովոստի–Արմենիա/. «Վեոլիա Ջուր» ընկերությունը հրապարակել է Գառնի–Երևան մայրուղային ջրատարի խոշոր վթարի կադրերը, որի հետևանքով 24 ժամ ջուր չի լինի Երևանում մի շարք շրջաններում և Արարատի մարզի որոշ հասցեներում։

«Այսպիսին է Գառնի - Երևան մայրուղային ջրատարի վթարը, որի պատճառով դադարեցվում է Երևանի և Արարատի մարզի մի շարք տարածքների ջրամատակարարումը: ՎեոլիաԹիմն ամեն ինչ կանի հայտարարված ժամկետից շուտ ջրատարարը վերաշահագործելու համար», – նշվում է ընկերության Facebook–յան էջում:

Այսօր ավելի վաղ հայտնի է դարձել, որ Գառնի–Երևան մայրուղային ջրատարի վթարի հետևանքով հունիսի 15-ին ժամը 12.00-ից մինչև հունիսի 16-ը ժամը 12.00-ն կդադարեցվի Երևանի Նուբարաշեն. Էրեբունի, Կենտրոն, Շենգավիթ վարչական շրջանների և Արարատի մարզի մի շարք հասցեների ջրամատակարարումը։ Հասցեներին առավել մանրամասն կարող եք ծանոթանալ` անցնելով հետևյալ հղումով։–0–