Հրանտ Բագրատյանը նշել է արցախյան պատերազմում Հայաստանի ռազմավարական և ռազմական սխալները (ՎԻԴԵՈ)

ԵՐԵՎԱՆ, 25 նոյեմբերի./Նովոստի–Արմենիա/. ՀՀ նախկին վարչապետ Հրանտ Բագրատյանը նշել է Հայաստանի կառավարության քաղաքական, ռազմավարական և ռազմական սխալները, որոնք հանգեցրեցին արցախյան պատերազմի նման ելքին։

Այսօր կայացած ասուլիսի ժամանակ Բագրատյանը նշել է, իր կարծիքով, Փաշինյանի հիմնական սխալը` Արցախի չճանաչումը։

«Պատերազմի սկսելուց անմիջապես հետո` 2 ժամ անց, Facebook–յան էջումս գրեցի` անմիջապես ճանաչեք Լեռնային Ղարաբաղը, որ ձեզ օգնեն», – ասաց Բագրատյանը։

Նրա խոսքով, երկրորդ սխալը հակառուսական տրամադրություններն էին, մենք չենք կարող կոմպլեմենտար քաղաքականություն վարել։

«Ինչքան էլ սիրենք, չսիրենք, դրական է, թե բացասական, բայց մենք պետք է մնանք ռուսամետ թիմում։ Չկա երրորդ տարբերակ, դեգլոբալիզացման ստեղծված իրավիճակում մենք մի ելք ունենք` կամ թուրքերի, կամ ռուսների հետ ենք», – հայտարարեց Բագրատյանը։

Արտաքին քաղաքական սխալների թվում Բագրատյանը նշեց, որ Հայաստանը «նեղացրեց» Իրանին, «փչացրեց հարաբերությունները» Վրաստանի հետ և «ապտակեց Չինաստանին», ինչն ունեցավ իր հետևանքները։

Խոսելով ռազմական սխալների մասին` Բագրատյանը նշեց, որ Հայաստանը կորցրել է ռազմական տեխնիկայի 85%–ը, ինչը, նախկին վարչապետի կարծիքով, «պարտություն չէ, այլ մեր բանակի ամբողջական ջախջախում»։

«Մեր ամենագլխավոր խնդիրը «Բայրաքթարներն» էին, որոնք 80%–ով նպաստեցին մեր կապիտուլյացիային», – նշեց Բագրատյանը։

Նա ընդգծեց, որ հակաօդային պաշտպանության կենտրոնացված համակարգի ստեղծումը ևս սխալ էր։

«Այդ համակարգը ապակենտրոնացնելու համար, չէ՞ որ թշնամին գալու է, մենք այն դարձնում ենք կենտրոնացված, սա 90–ականների պատերազմը չէ», – ասա նախկին վարչապետը։

Նրա խոսքով, սխալ էր Օսա–ԱԿ զինեթահրթիռային համալիրների ձեռք բերումը, «որոնք մոտ 50 տարի արդեն չեն օգտագործվում, գործի չդրվեց նաև «Իսկանդերը»»։–0–