Հիմա լավագույն ժամանակաշրջանը չէ գազի գնի բարձրացման մասին խոսելու` էներգակիրների շուկաների փլուզման պայմաններում

ԵՐԵՎԱՆ, 16 մայիսի./Նովոստի–Արմենիա/. ՀՀ վարչապետ Նիկոլ Փաշինյանն այսօր առցանց ասուլիսի ժամանակ հայտարարեց, որ հիմա լավագույն ժամանակաշրջանը չէ գազի գների բարձրացման մասին խոսելու համար։

«Էներգակիրների շուկաների փլուզման պայմաններում և նավթի գների անկման և փլուզման պայմաններում մենք կարող էինք և կարող ենք ակնկալել Հայաստանի ռազմավարական գործընկեր Ռուսաստանից, որ հիմա գազի գնի բարձրացման մասին խոսելը լավագույն ժամանակաշրջանը չէ` մանավանդ հաշվի առնելով կորոնավիրուսի ճգնաժամն ու դրա սոցիալական խնդիրները։ Մենք կշարունակենք աշխատել մեր գործընկերների հետ», – նշեց վարչապետը։–0–