Հայտնի են հունվարին 12-րդ դասարանի սովորողների պետական ավարտական քննությունների օրերը
26.12.2024,
11:38
12-րդ դասարանում պետական ավարտական քննություններն անցկացվում են հունվարին և հունիսին
ԵՐԵՎԱՆ, 26 դեկտեմբերի․/Նովոստի–Արմենիա/․ ՀՀ կրթության, գիտության, մշակույթի և սպորտի նախարարի հրամանով հաստատվել է 2024-2025 ուսումնական տարվա հունվար ամսին 12-րդ դասարանի սովորողների պետական ավարտական քննությունների ժամանակացույցը, հայտնում են գերատեսչությունից։
Քննությունները կանցկացվեն՝
- հունվարի 13-ին՝ «Հայոց լեզու և հայ գրականություն»,
- հունվարի 15-ին՝ «Մաթեմատիկա»,
- հունվարի 17-ին՝ «Հայոց պատմություն»:
Հիշեցնենք՝ 12-րդ դասարանում պետական ավարտական քննություններն անցկացվում են հունվարին և հունիսին: Ե՛վ հունվարին, և՛ հունիսին միասնական քննություններ հանձնած սովորողի ավարտական փաստաթղթում լրացվում է միասնական քննության ավարտական մասի ավելի բարձր դրական գնահատականը:
Պատճենել հղումը
