ԵՐԵՎԱՆ, 6 ապրիլի./Նովոստի–Արմենիա/. Հայաստանում 2022թ.–ի հունվար–փետրվարին մահացել է 6030 մարդ, ինչը 11%–ով ավել է 2021թ.–ի նույն ժամանակահատվածի ցուցանիշից։ Այս մասին վկայում են ՀՀ ազգային վիճակագրական կոմիտեի տվյալները։
Մարդկանց կեսից ավելին (55,6% կամ 3 353 մարդ) մահացել է արյան շրջանառության համակարգի հիվանդություններից, այս ցուցանիշը 13,3%–ով ավել է 2021թ.–ի նույն ժամանակահատվածի ցուցանիշից։
Մահացության պատճառների թվում երկրորդ տեղում են նորագոյացությունները (14,5% կամ 875 մարդ, 2,9%–ի աճ)։
Մահվան այլ պատճառների թվում նշված են նաև շնչուղիների հիվանդությունները (9,9% կամ 598 մարդ, 41,4%–ի աճ), COVID-19–ը (7,7% կամ 465 մարդ, 5,1%–ի անկում), մարսողական համակարգի օրգանների հիվանդությունները (4,3% կա, 257 մարդ, 5,3%–ի աճ)։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում