Հայաստանը նոր ավիաընկերություն ունի

ԵՐԵՎԱՆ, 9 հունիսի․ /Նովոստի-Արմենիա/․ Fly Armenia Airways- ը քաղավիացիայի կոմիտեից ստացել է օպերատորի վկայական և մուտք է գործում Հայաստանի ավիացիոն շուկա: Այս մասին ասվում է գործակալության կողմից ստացված ավիաընկերության մամուլի հաղորդագրության մեջ:

Այս ավիաընկերության մասին 2019 թ․-ի դեկտեմբերի 3-ին հայտնել էր ՀՀ քաղավաիցիայի կոմիտեի նախագահ Տաթևիկ Ռևազյանը։

«Զվարթնոց» օդանավակայանը կծառայի որպես տարանցիկ կենտրոն՝ իր ուրույն աշխարհագրական դիրքի պատճառով:

«Մեր նպատակն է ավելացնել ուղևորների քանակը և օդային փոխադրումների ծավալը դեպի Հայաստան և Հայաստանից դուրս: Դա կօգնի բարելավել շուկայում լոգիստիկայի և տնտեսական իրավիճակը, և մեր հուսալի ուղևորափոխադրումների և բեռնափոխադրումների շնորհիվ հնարավոր կլինի ստեղծել զբոսաշրջության և բիզնեսի նոր ուղղություններ», - ընդգծվում է ընկերության հայտարարության մեջ:

Ընկերության ղեկավարությունը բաղկացած է գերմանական Lufthansa ավիաընկերության և Հայաստանի ավիացիոն փորձագետների մեծ փորձ ունեցող թոփ մենեջերներից:-0-