Հայաստանը ձեռք է բերել չինական «Սինոֆարմ» պատվաստանյութի 200 հազար չափաբաժին (ՖՈՏՈ)

ԵՐԵՎԱՆ, 18 օգոստոսի․/Նովոստի-Արմենիա/․ՀՀ առողջապահության նախարարությունը, կարևորելով կորոնավիրուսից պաշտպանվելու քաղաքացիների իրավունքը, ձեռք է բերել COVID-19 պատվաստանյութի նոր խմբաքանակ, հայտնել է գերատեսչության ղեկավար Անահիտ Ավանեսյանը:

«Չինական «Սինոֆարմ» պատվաստանյութի 200 հազար չափաբաժինը նախատեսված է 100 հազար մարդու համար: Պատվաստանյութը հասանելի է 18 տարեկանից բարձր բոլոր քաղաքացիների համար՝ առանց սահմանափակումների,»- գրել է նա իր Ֆեյսբուքյան էջում:

Հայաստանում պատվաստումների արշավի սկզբից (2021 թ. ապրիլի 13-ից) կատարվել է 220 236 պատվաստում, որից առաջին դեղաչափը ստացել է 144 573 մարդ, երկրորդը ՝ 75 663: «Աստրազենեկա», «Սպուտիկ Վ» և «Կորոնավակ» պատվաստանյութերը անվճար են և հասանելի են 18 տարեկանից բարձր անձանց կամավոր հիմունքներով, այդ թվում՝ օտարերկրացիների համար:-0-