Հայաստանը ՌԴ–ից չի ստացել սպառազինությունը, որի համար արդեն վճարվել է. ՀՀ ԱԳ փոխնախարար (ՎԻԴԵՈ)

ԵՐԵՎԱՆ, 16 մայիսի./Նովոստի–Արմենիա/. Հայաստանը Ռուսաստանից չի ստացել սպառազինությունը, որի համար արդեն վճարվել էր, հայտարարեց ՀՀ ԱԳ փոխնախարար Մնացական Սաֆարյանը։

«Աշխատանքներն ընթանում են, սպառազինությունները, իրոք, չեն հասել Հայաստան։ Փորձում ենք շարունակել աշխատանքները։ Այս պահի դրությամբ որևէ ավելացնելու բան չունեմ», – ասաց նա լրագրողներին ԱԺ–ում։

Լրագրողի ճշտող հարցին, թե ինչու սպառազինությունը չի հասել` Սաֆարյանը հայտարարեց, որ այդ հարցը պետք է ճշտել համապատասխան կառույցում։ Նա նաև չնշեց գումարի չափը։

«Ըստ պայմանագրի` աշխատանքներ են ընթանում։ Ես չեմ կարող մանրամասներ տալ, խնդրում եմ դիմել Պաշտպանության նախարարությանը», – ասաց Սաֆարյանը։

Ավելի վաղ ՀՀ ԱԽ քարտուղար Արմեն Գրիգորյանը հայտարարել է, որ Հայաստասնը չի ստացել սպառազինությունը, որի համար արդեն վճարվել էր։–0–