Հայաստանում սպասվում է ջերմաստիճանի կտրուկ նվազում 10–12 աստիճանով

ԵՐԵՎԱՆ, 10 հունվարի․/Նովոստի–Արմենիա/․ Հայպետհիդրոմետը ներկայացնում է առաջիկա օրերի եղանակի կանխատեսումը։

Մայրաքաղաք Երևանում հունվարի 10-14-ին ժամանակ առ ժամանակ սպասվում են տեղումներ և մառախուղ։ Չորեքշաբթի ցերեկը կանխատեսվում է +6․․․+8 աստիճան, շաբաթ կցրտի՝ հասնելով +2․․․+4 աստիճանի, կիրակի ջերմաստիճանը կնվազի՝ հասնելով 0․․․-2 աստիճանի։



Հանրապետության տարածքում հունվարի 11-ի գիշերը առանձին շրջաններում, հունվարի 10-ին, 11-ի ցերեկը, 12-14-ին շրջանների զգալի մասում սպասվում են տեղումներ և մառախուղ, հունվարի 9-14-ին տեղումները լեռնային գոտիներում կլինեն ձյան, հովտային և նախալեռնային շրջաններում անձրևի և ձնախառն անձրևի տեսքով։



Քամին՝ հարավարևմտյան 3-5մ/վ, հունվարի 9-ին սպասվում է քամու ուժգնացում 18-23 մ/վրկ, 10-ին, 12-14-ին՝ 15-20մ/վրկ արագությամբ։

Օդի ջերմաստիճանն հունվարի 10-ի ցերեկը կնվազի 4-6, Լոռիում, Տավուշում, Սյունիքում՝ 10-12 աստիճանով։–0–