ԵՐԵՎԱՆ, 6 ապրիլի./Նովոստի–Արմենիա/. Հայպետհիդրոմետը ներկայացնում է առաջիկա օրերի եղանակի կանխատեսումը։
Ապրիլի 9-10-ը սպասվում է առանց տեղումների եղանակ, ապրիլի 6-ին շրջանների զգալի մասում ժամանակ առ ժամանակ սպասվում է անձրև և ամպրոպ, ապրիլի 7-ին շրջանների զգալի մասում, ապրիլի 8-ին Լոռիում, Տավուշում, Սյունիքում և Արցախում սպասվում են տեղումներ, լեռնային շրջաններում՝ ձյան տեսքով։
Քամին՝ հյուսիս-արևելյան՝ 3-8 մ/վ, առանձին վայրերում սպասվում է քամու ուժգնացում՝ 15-20 մ/վ։
Օդի ջերմաստիճանն ապրիլի 5-ի 6-ի գիշերը կբարձրանա 5-7 աստիճանով, ապրիլի 7-8-ն աստիճանաբար կնվազի 6-8, Լոռիում, Տավուշում, Սյունիքում և Արցախում՝ 10-12 աստիճանով։
Մայրաքաղաք Երևանում այսօր ցերեկը կանխատեսվում է +15...+17, գիշերը` +7...+9, վաղը ցերեկային ժամերին սպասվում է +10...+12, գիշերը` +3...+5։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում