Հայաստանում չպատվաստվածների բուժումը կորոնավիրուսային հիվանդության դեմ առաջիկայում կլինի վճարովի.գինը միջինում 800 հազ. դրամ է

ԵՐԵՎԱՆ, 7 հոկտեմբերի./Նովոստի–Արմենիա/. Չպատվաստված քաղաքացիների բուժումը կորոնավիրուսային հիվանդության դեմ Հայաստանում առաջիկայում կլինի վճարովի:

Այս հարցն արդեն քննարկվում է նախարարությունում: Խոսքը բավականին թանկարժեք բուժման մասին է: Բուժումը քաղաքացիների համար կարժենա միջինում 800 հազար դրամ: Խաչատրյանը, սակայն, չի նշել, թե փոփոխությունը կոնկրետ երբ տեղի կունենա:

Հայաստանում կորոնավիրուսային հիվանդությամբ վարակված քաղաքացիները այս պահի դրությամբ բուժում են ստանում պետության միջոցների հաշվին:

«Նովոստի–Արմենիա» գործակալությունը փորձեց կապ հաստատել Խաչատրյանի հետ` այս տեղեկատվությունը ճշտելու համար, բայց նա չպատասխանեց հեռախոսազանգերին։–0–