Հայաստանի թունելներից մեկը ժամանակավորապես փակ է լինելու

ԵՐԵՎԱՆ, 24 հունվարի./Նովոստի-արմենիա/.«Ճանապարհային դեպարտամենտ» հիմնադրամը տեղեկացնում է, որ հունվարի 25-ին՝ ժամը 01.00-ից մինչև 05.00, Պուշկինի թունելը փակ է լինելու։

Պուշկինի թունելի երթևեկելի հատվածում գտնվող դիտահորի կոտրվածքի հետևանքով երթևեկության համար առաջացել է խոչընդոտ։

Թունելը սպասարկող ընկերության աշխատակիցների կողմից տվյալ դիտահորն ապամոնտաժվելու է, և տեղադրվելու է նորը։

Դեպարտամենտը հայցում է վարորդների ներողամտությունը և հորդորում երթևեկել՝ պահպանելով անվտանգության կանոնները։-0-