ԵՐԵՎԱՆ, 11 նոյեմբերի./Նովոստի-Արմենիա/. Հայաստանն առարկություն չունի, եթե Ադրբեջանի կողմից լինի Թուրքիայի սամանապահ ծառայությունը, հայկական կողմից էլ ՝Ռուսաստանի սահմանապահ ծառայությունը, հայտարարեց ՀՀ վարչապետ Նիկոլ Փաշինյանն ուրբաթ Հանրային հեոռւստաընկերությանը տված հարցազրույցում:
Վարչապետը հիշեցրեց, որ հաղորդակցությունների բացման թեման քննարկելու ժամանակ ադրբեջանական կողմն ասել է, որ իրենց քաղաքացիները, Հայաստանի ճանապարհով անցնելիս, հնարավոր է մտավախություններ ունենան Հայաստանի սահմանային և մաքսային ծառայողների հետ անձնական շփումներ, կոնտակտ ունենալու պարագայում: Այս կապակցությամբ հայկական կողմը 2021թ.-ի դեկտեմբերին առաջարկել էր երրորդ երկիր սահմանային ծառայության կազմակերպման համար:
«Եթե մենք գնում ենք տարածաշրջանում խաղաղություն հաստատելու օրակարգը սպասարկելու (իսկ իմ կարծիքով՝ մենք պետք է գնանք այդ ճաապարհով), ապա ասել, թե ադրբեջանցիները հայաստանցիների հետ պետք է չշփվեն, իսկ հայաստանցիները՝ ադրբեջանցիների հետ, այդքան էլ ճիշտ չէ: Իհարկե, պարզ է, որ այդ շփումները պետք է կազմակերպել ինչ-որ ձևով։ Մենք կարծում ենք, որ ի վերջո, պետք է վերադառնանք ամենապարզ տարբերակին, որ Ադրբեջանի սահմանին հսկողություն իրականացնում են ադրբեջանցի ծառայողները, Հայաստանի սահմանին՝ հայաստանցիները: Եթե այդ խնդիրը չի հաղթահարվում, օպերատորների պատվիրակենք, ընդ որում մեր կողմից կարող է օպերատորը լինել Ռուսաստանի սահմանապահ ծառայությունը, մենք առարկություն չունենք, եթե Ադրբեջանի կողմից լինի, օրինակ, Թուրքիայի սահմանապահ ծառայություն, եթե իրենց համար դա ընդունելի է», - հայտարարեց նա:
Փաշինյանը հայտարարեց, որ եթե Ադրբեջանի համար սա իսկապես հաղորդակցության հարց է, այլ ոչ թե էսկալացիայի առիթ գտնելու, այդ հարցը գործնականում լուծված է, պետք է ընդամենն այն, ինչ որ պայմանավորված է, այդ պայմանավորվածությունն արձանագրել և գնալ առաջ:-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
