«Հայաստան-Արցախ» հիմնադրամը դեղեր կտրամադրի հեպատիտ C հիվանդությամբ շուրջ 700 մարդու համար

ԵՐԵՎԱՆ, 14 սեպտեմբերի./Նովոստի–Արմենիա/. Հեպատիտ «Ց» հիվանդությամբ շուրջ 700 մարդ կստանան հակավիրուսային դեղեր «Հայաստան-Արցախ» հիմնադրամի կողմից, Facebook–յան իր էջում գրել է ՀՀ առողջապահության նախարար Արսեն Թորոսյանը «Հայաստան-Արցախ» հիմնադրամի նախագահ Հարութ Սասունյանի հետ հանդիպման արդյունքում։ 

«Նշված դեղերը հատկացվելու են հիվանդության առաջին «Բ» գենոտիպ ունեցողների բուժման համար` լաբորատոր հետազոտությունների արդյունքների հիման վրա: Քաղաքացիների բուժման մշտադիտարկումը կիրականացվի մասնագետների կողմից՝ միջազգային ուղեցույցներին համապատասխան ձևով», – նշել է նա: 

Թորոսյանի խոսքով, բուժման սկզբի մասին հավելյալ կտեղեկացվի։ 

Նախարարն ավելացրել է, որ կառավարության նիստին ընդունվեց մի որոշում, որ մեզ հնարավորություն է տալու կենտրոնական գնումներով ձեռք բերել հեպատիտ «Ց» բուժման դեղեր մեր ազգային ծրագրի շրջանակներում և պետական պատվերով իրականացնել այդ հիվանդության բուժում՝ հասնելով դրա վերացման մեր երկրում։-0-