ԵՐԵՎԱՆ, 20 նոյեմբերի./Նովոստի–Արմենիա/. Հատուկջոկատայինները փակել են Հանրապետության Հրապարակի երթևեկությունն` անհնազանդության ակցիան դադարեցնելու համար։
Վարորդները, պահանջելով ՀՀ վարչապետ Նիկոլ Փաշինյանի հրաժարականը, ազդանշանները միացրած երթևեկում էին հրապարակի կենտրոնում։ Դրանից հետո ցուցարարները փորձեցին ՀՀ դրոշը փռել անմիջապես հրապարակի կենտրոնում, սակայն միանգամից բերման ենթարկվեցին։
Ամբողջ Երևանի տարածքով կազմակերպվել է բողոքի ակցիա` վարչապետի հրաժարականի պահանջով։ Ցուցարարները փորձում են փակել փողոցները, սակայն ոստիկանությունը խոչընդոտում է նրանց գործողություններին ու բերման ենթարկում։
Նախօրեին Երևանում ևս անցկացվում էին բողոքի ակցիաներ` Փաշինյանի հրաժարականի պահանջով Արցախի հարցով ստորագրված հայտարարության կապակցությամբ։–0–