ՀՀ Նախագահը ստորագրել է վարչապետի` նոր նշանակումների մասին հրամանագրերը

ԵՐԵՎԱՆ, 8 հունիսի․ /Նովոստի-Արմենիա/․ ՀՀ նախագահ Արմեն Սարգսյանը ստորագրել է ԶՈւ Գլխավոր շտաբի նախկին պետին, ԱԱԾ նախկին տնօրենին և Ոստիկանության նախկին պետին իրենց պաշտոններից ազատելու մասին և նրանց փոխարեն նոր պաշտոնյաների նշանակելու մասին հրամանագրերը։

Որոշումները հրապարակվել են ՀՀ նախագահի պաշտոնական կայքում։
 
Հիշեցնենք, որ ՀՀ վարչապետ Նիկոլ Փաշինյանը իր այդ որոշումների մասին նա գրել էր Facebook–յան իր էջում։

Ըստ որոշման՝ Գեներալ-լեյտենանտ Արտակ Դավթյանը, գնդապետ Էդուարդ Մարտիրոսյանը, գնդապետ Արման Սարգսյանը ազատվել են իրենց զբաղեցրած պաշտոններից, իսկ Գեներել-լեյտենանտ Օնիկ Գասպարյանը նշանակվել է ԶՈւ Գլխավոր շտաբի պետ: Գնդապետ Արգիշտի Քյարամյանը նշանակվել է ԱԱԾ տնօրեն: Գնդապետ Վահե Ղազարյանը նշանակվել է Ոստիկանության պետ: 

Ինչպես հաղորդել էինք ավելի վաղ, հանրապետության նախագահի աշխատակազմը ստացել է վարչապետ Նիկոլ Փաշինյանի առաջարկությունը պաշտոնից ազատել ԱԱԾ տնօրեն Էդուարդ Մարտիրոսյանին, Զինված ուժերի Գլխավոր շտաբի պետ Արտակ Դավթյանին և ոստիկանապետ Արման Սարգսյանին:–0–