ԵՐԵՎԱՆ, 24 մարտի./Նովոստի–Արմենիա/. Հայաստանի իշխանությունները հստակեցրել են ակադեմիական քաղաքի տեղադիրքը, ուր հետագայում նախատեսվում է տեղափոխել հանրապետությունում գործող պետական բուհերը, ասաց ՀՀ կրթության, գիտության, մշակույթի և սպորտի նախարար Ժաննա Անդրեասյանը։
«Մենք ուշադրություն ենք դարձնում ակադեմիական քաղաք ծրագրի աշխատանքներին, որը կառավարության ամենամեծածավալ ծրագրերից մեկն է:»,- ասաց Անդրեասյանը ուրբաթ մամուլի ասուլիսի ժամանակ ։
Ակադեմիական քաղաքը, ըստ նախարարի, բաղկացած է լինելու երեք կլաստերներից։
«Կոնկրետ կլաստերներում պլանավորված են աշխատանանքներ, օրինակ արվեստի կլաստերում, որը ինչես գիտեք՝ պլանավորում ենք «Հայֆիլմի» տարածքում։ Կլինի նաև տեխնոլոգիական կլաստեր, այն կտեղադրվի Երևանի ֆիզիկայի ինստիտուտի տարածքում։ Երրորդ կլաստերն ավելի մեծ է և կարող է ընդգրկել կրթական, ռազմական և, հնարավոր է, նույնիսկ միջազգային համալսարանները: Հիմա մենք քննարկում ենք, թե կոնկրետ որտեղ կարող են տեղակայվել ոլորտային ուսումնական հաստատությունները»,- ասաց նախարարը` միաժամանակ չնշելով, թե կոնկրետ որ քաղաքում կամ շրջանում է ստեղծվելու Ակադեմիական քաղաքը։
Նախորդ տարվա սեպտեմբերին վարչապետ Նիկոլ Փաշինյանը ներկայացրել էր Աշտարակ քաղաքում Ակադեմիական քաղաք ստեղծելու ծրագրերը, ուր կտեղափոխվեն հանրապետության բոլոր 8 պետական բուհերը։
Նախնական ծրագրի համաձայն՝ կստեղծվեն բոլոր անհրաժեշտ պայմանները ուսանողների և դասախոսական կազմի կեցության և դասավանդման համար։ Քաղաքում կկառուցվեն բնակելի տարածքներ, գիտահետազոտական կենտրոններ, սպորտային ենթակառուցվածքներ, այգի, ամֆիթատրոն՝ նախատեսված 50 հազար մարդու համար։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում
