ԵՐԵՎԱՆ, 22 սեպտեմբերի./Նովոստի–Արմենիա/. ՀԱՊԿ գլխավոր քարտուղար Ստանիսլավ Զասը, ով գտնվում է Հայաստանում` ՀԱՊԿ առաքելության գլխավորությամբ, չորեքշաբթի հանդիպել է ՀՀ ԶՈՒ ԳՇ պետ Էդվարդ Ասրյանի հետ, հաղորդում է ՀԱՊԿ մամուլի ծառայությունը։
Մանրամասն քննարկվել է Հայաստանի սահմանային շրջանների առանձին հատվածներում տիրող իրավիճակը։ Քննարկվել են ստեղծված իրավիճակում ՀԱՊԿ–ի հնարավոր հետագա միջոցները։
Ստանիսլավ Զասը ժամանել է Հայաստան` ՀԱՊԿ առաքելության գլխավորությամբ` ՀԱՊԿ Հավաքական անվտանգության խորհրդի սեպտեմբերի 13–ի արտահերթ նիստի որոշման համաձայն։ Առաքելության կազմում են ՀԱՊԿ անդամ պետությունների ներկայացուցիչները։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում