ԵՐԵՎԱՆ, 1 հունիսի./Նովոստի–Արմենիա/. Գյումրիում մի խումբ թափառող շների կողմից տան բակում հարձակման ենթարկված 2.5 տարեկան երեխայի առողջության մեջ դրական դինամիկա կա, հայտնել է «Սուրբ Աստվածամայր» ԲԿ–ի մամուլի քարտուղար Գևորգ Դերձյանը:
Загружается новость ... "Лево"
«Գիտակցության է եկել, սկսել է շնչել ինքնուրույն: Երեխան բազմաթիվ վնասվածքներով, կծած վերքերով տեղափոխել էր «Գյումրու Մոր ու մանկան ավստրիական հիվանդանոց», որտեղ վիրահատվել էր, այնուհետև շտապ տեղափոխվել Երևան՝ «Սուրբ Աստվածամայր» ԲԿ», – նշել է նա Facebook–յան իր էջում։
Այստեղ երեխան երկրորդ անգամ վիրահատվել է, կատարվել է դիմածնոտային վիրաբուժական միջամտություն, ունի բազմաթիվ վնասվածքներ՝ դեմքի, վերջույթների և մարմնի այլ հատվածներում:
Դերձյանի խոսքով, շատ լուրջ վնասված էր երեխայի պարանոցը: Գտնվում է վերակենդանացման բաժանմունքում: Բժիշկները վիճակը գնահատում են ծանր, բայց կայուն:
Հիշեցնենք, որ մայիսի 30–ին Գյումրու «Մուշ» թաղամասում թափառող վեց-յոթ շներ
հարձակվել են երկուս ու կես տարեկան երեխայի վրա՝ պատճառելով բազմաթիվ վնասվածքներ։–0–