Գյումրիում շների հարձակումից տուժած 2.5 տարեկան փոքրիկը վիրահատվել է, վիճակը ծանր է

ԵՐԵՎԱՆ, 31 մայիսի./Նովոստի–Արմենիա/. Գյումրիում մի խումբ թափառող շներ հարձակվել են 2.5 տարեկան երեխայի վրա՝ նրան բազմաթիվ վնասվածքներ պատճառել։

Այս մասին հայտնում է «Սուրբ Աստածամայր» ԲԿ–ի մամուլի քարտուղար Գևորգ Դերձյանը։

«Երեխային բազմակի կծած վերքերով տեղափոխել են «Գյումրու Մոր ու մանկան ավստրիական հիվանդանոց», որտեղ վիրահատվել է, այնուհետև շտապ տեղափոխվել Երևան՝ «Սուրբ Աստվածամայր» ԲԿ», – նշել է նա Facebook-յան իր էջում։


Այստեղ երեխան երկրորդ անգամ է վիրահատվել, ունի բազմաթիվ վնասվածքներ՝ դեմքի, վերջույթների և մարմնի այլ հատվածներում: Գտնվում է վերակենդանացման բաժանմունքում:

Դերձյանի խոսքով, բժիշկները վիճակը գնահատում են ծանր, բայց կայուն:

Գևորգ Դերձյանը նաև նշել է, որ երեխան եղել է միայնակ` տան բակում։–0–