ԵՐԵՎԱՆ, 12 հունիսի./Նովոստի–Արմենիա/. «Բարգավաճ Հայաստան» կուսակցության ղեկավար, պատգամավոր Գագիկ Ծառուկյանն այսօր երեկոյան վկայի կարգավիճակով հարցաքննվելու է Քննչական կոմիտեում՝ Աբովյանում «Քաղաքացիական պայմանագրի» թեկնածուի շտաբի պետի ավտոմեքենան և տան մուտքը հրկիզելու գործով:

Այս մասին հաղորդում է «Ազատություն» ռ/կ–ն` հղում անելով Քննչական կոմիտեին։
 
Գերատեսչությունից նաև նշել են, որ «Բարգավաճ Հայաստան»-ից միայն Ծառուկյանն է հրավիրվել հարցաքննության: Կասկածյալներ առայժմ չկան:
 
Աբովյանում մայիսի 8-ին՝ քաղաքապետի ընտրություններից մեկ օր առաջ, հրկիզվել էր «Քաղաքացիական պայմանագրի» քաղաքապետի թեկնածու Գրիգոր Գուլյանի նախընտրական շտաբի ղեկավար Վահան Սարիբեկյանի մեքենան և տան մի հատված։ Դեպքի առթիվ քրեական գործ է հարուցվել՝ գույքը դիտավորությամբ ոչնչացնելու կամ վնասելու հոդվածով։ Շտաբի ղեկավարը ճանաչվել է տուժող։–0–