Ֆիզկուլտ ինստիտուտի ամբիոնի վարիչին ծեծի ենթարկած ուսանողն ազատ է արձակվել

ԵՐԵՎԱՆ, 30 մարտի./Նովոստի–Արմենիա/. ՀՀ ֆիզիկական կուլտուրայի և սպորտի ինստիտուտի Մանկավարժության և հոգեբանության ամբիոնի վարիչ Հարություն Բաբայանին ծեծի ենթարկած ուսանող 21-ամյա Ալբերտ Նիկոլյանը հարցաքննվելուց հետո ազատ է արձակվել:

Այս մասին «Նովոստի–Արմենիա»–ին հայտնեց ՔԿ մամուլի խոսնակ Գոռ Աբրահամյանը:

Ավելի վաղ հայտնի էր դարձել, որ ինստիտուտի իր աշխատասենյակում ուսումնական հարցերի շուրջ առաջացած վիճաբանության ժամանակ ծեծի է ենթարկվել ամբիոնի վարիչ Հարություն Բաբայանը: Նրան հարվածներ է հասցրել 21-ամյա Ալբերտ Նիկոլյանը: Նիկոլյանն ինքնակամ ներկայացել է ոստիկանություն և ձերբակալվել: Դեպքի առնչությամբ նախաձեռնվել է քրեական վարույթ։

Հայկական ԶԼՄ–ների հաղորդմամբ, ծեծի ենթարկված ամբիոնի վարիչը ՀՀ փոխոստիկանապետ Հայկ Բաբայանի հայրն է:–0–