ԵՐԵՎԱՆ, 22 փետրվարի./Նովոստի-Արմենիա/. Fitch Ratings միջազգային վարկանիշային գործակալությունը վերահաստատել է Արդշինբանկի արտարժույթով երկարաժամկետ պարտավորություններ թողարկողի վարկանիշը (Long-Term Issuer Default Rating) «B+» մակարդակում և բարձրացրել վարկանիշի հեռանկարը «Կայուն»-ից «Դրական»-ի, հաղորդում է Արդշինբանկի մամուլի ծառայությունը։
Վարկանիշի հեռանկարի փոփոխությունը կապված է Հայաստանի Հանրապետության սուվերեն վարկանիշի հեռանկարի բարելավման, Բանկի ֆինանսական ցուցանիշների կայուն բարելավման հետ, մասնավորապես շահութաբերության, կապիտալիզացիայի, ֆինանսավորման և իրացվելիության գծով:
Արդշինբանկը միակ ընկերությունն է Հայաստանում, որն արդեն ունի համաշխարհային վարկանիշային երեք առաջատար գործակալությունների (Fitch, Standard & Poor's և Moody's) շնորհված վարկանիշներ: Բանկի վարկանիշը հավասար է Հայաստանի Հանրապետության վարկանիշին, ինչը մասնավոր կազմակերպության համար հնարավոր լավագույն ցուցանիշն է:
Արդշինբանկը վերահսկվում է ՀՀ ԿԲ կողմից:-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
