ԵՄ պատվիրակության ղեկավար. կա մեկ–երկու կետ, որտեղ հայկական զորքերն են սահմանային տարածքներում (ՎԻԴԵՈ)
14:23
15 Մայիսի 2023
ԵՐԵՎԱՆ, 15 մայիսի./Նովոստի–Արմենիա/. Հայաստանն ու Ադրբեջանը պետք է դուրս բերեն զորքերը միմյանց տարածքներից։ Այս մասին այսօր ճեպազրույցի ժամանակ հայտարարեց ՀՀ–ում ԵՄ պատվիրակության ղեկավար, դեսպան Անդրեա Վիկտորինը։
«Հուսով եմ, որ երկու կողմերն էլ իրենց զորքերը կհանեն և կանցնեն սահմանազատման և սահամանագծման աշխատանքներին, ինչը չափազանց կարևոր է», – ասաց Վիկտորինը։
Լրագրողի ճշտող հարցին, թե Վիկտորինի խոսքերը նշանակում են, որ երկու կողմերը պե՞տք է հետ քաշեն զորքերը` նա նշեց, որ Բրյուսելում հանդիպման ընթացքում հստակ նշվել է, որ կա մեկ–երկու կետ, որտեղ հայկական զորքերն են սահմանային տարածքներում։
«Պետք է լինի շատ հստակ սահմանագծում և սահմանազատում։ Դա է եղել Բրյուսելում օգտագործված հստակ ձևակերպումը, և ես պարզապես կրկնում եմ», – նշեց Վիկտորինը` միաժամանակ չնշելով, թե կոնկրետ որտեղ են գտնվում այդ դիրքերը։–0–
Սննդամթերքի անվտանգության տեսչական մարմնի արտահերթ ստուգումը փաստում է՝ «Ջերմուկի» պարունակության մեջ չի կարող քացախ լինել, դա տեխնիկապես էլ հնարավոր չէ․ ՎԻԴԵՈ